Jeŭropa stvoryć kaśmičny aparat dla prybirańnia śmiećcia na arbicie
Jeŭrapiejskaje kaśmičnaje ahienctva (ESA) zakazała raspracoŭku spadarožnika, jaki budzie zachoplivać niadziejnyja kaśmičnyja aparaty i zvodzić ich z arbity. Kantrakt koštam bolš za 102 miljony jeŭra atrymała niamieckaja kampanija OHB, jakaja ŭznačaliła mižnarodny kansorcyum. Zapusk misii ClearSpace-1 papiarednie zapłanavany na 2030 hod, piša Bild.

Pieršaj cellu dla novaha aparata stanie spadarožnik PROBA-1, zapuščany ESA ŭ 2001 hodzie. Aparat-prybiralščyk pavinien budzie samastojna nablizicca da jaho, vyznačyć stanovišča i chutkaść kručeńnia z dapamohaj aptyčnych i radyjočastotnych datčykaŭ, a zatym zachapić čatyrma rabatyzavanymi manipulatarami. Paśla hetaha abodva aparaty ŭvojduć u atmaśfieru Ziamli i zharać.
Heta adna ź pieršych jeŭrapiejskich misij, nakiravanych na vydaleńnie bujnych abjektaŭ z arbity. PROBA-1 nie pryznačany dla stykoŭki i nie zmoža ŭzajemadziejničać sa spadarožnikam-prybiralščykam, tamu navihacyja i zachop pavinny adbyvacca amal całkam u aŭtanomnym režymie.
Nieabchodnaść prybirać kaśmičnaje śmiećcie ŭzrastaje razam ź jaho kolkaściu. Pavodle źviestak ESA, na arbicie rehularna adsočvajucca bolš za 47 tysiač abjektaŭ. Akramia taho, vakoł Ziamli moža znachodzicca kala 1,5 miljona frahmientaŭ pamieram ad adnaho da dziesiaci santymietraŭ. Navat nievialikija abłomki ŭjaŭlajuć niebiaśpieku praz vysokuju chutkaść ruchu i mohuć paškodžvać dziejnyja spadarožniki.
Lehiendarny teleskop «Chabł» padaje na Ziamlu. NASA terminova šukaje tych, chto jaho vyratuje abo zatopić
SpaceX upieršyniu ŭ historyi złaviła vierchni błok Starship VIDEA
Stary teleskop NASA, jaki važyŭ paŭtary tony i jaki niaŭdała sprabavali vyratavać, upaŭ na Ziamlu
Čaćviora ŭdzielnikaŭ ekśpierymientu NASA vyjšli ź izalacyi paśla 378 dzion na «Marsie»
Kamientary