Rasija naniesła novy masiravany rakietny ŭdar, u Kijevie paškodžanyja try masty
Rakietnaja ataka praciahvajecca: kryłatyja rakiety, vypuščanyja rasijskimi vojskami z Čornaha mora ruchajucca ŭ bok zachodniaj Ukrainy.

Rasija ranicaj u piatnicu naniesła novy masiravany rakietny ŭdar pa Kijevie i inšych haradach i abłaściach Ukrainy. U Kijevie, jak paviedamiŭ mer stalicy, zafiksavanyja traplańni pa troch mastach praz Dniapro.
«U vyniku balistyčnaj ataki na stalicu paškodžany Padolska-Vaskrasienski mostapierachod. Ruch z pravaha na levy bierah pa im ciapier zakryty», — paviedamiŭ u sacyjalnych sietkach mer Vital Kličko.
Akramia taho, pavodle jaho słoŭ, paškodžany Darnicki most, zafiksavana novaje traplańnie ŭ Paŭdniovy most, a taksama traplańnie ŭ jašče adzin «abjekt krytyčna važnaj infrastruktury», piša Bi-bi-si.
Na Paŭdniovym moście, jak paviedamiŭ Kličko, ruch zastajecca «ŭ abmiežavanym režymie» — tolki ź levaha bieraha na pravy, z abmiežavańniami pa masie aŭtamabilaŭ.
Tym časam rakietnaja ataka praciahvajecca: kryłatyja rakiety, vypuščanyja rasijskimi vojskami z Čornaha mora, jak paviedamlajuć manitorynhavyja kanały, ruchajucca ŭ bok zachodniaj Ukrainy. Z uschodu i poŭnačy ŭ pavietranuju prastoru krainy ŭvajšli kryłatyja rakiety, vypuščanyja stratehičnymi bambavikami. Akramia taho, praciahvajucca puski balistyčnych rakiet pa Kijevie.
Kamientary