Archiŭ

Novyja knihi, dasłanyja ŭ redakcyju

14 lutaha

Historyja Biełarusi ŭ eŭrapiejskim kantekście: Materyjały histar. seminaraŭ, jakija adbylisia ŭ Mienskim mižnar. adukac. centry ŭ 2001 h./ Układ. V.Astroha, U.Kałatkoŭ; Pad red. N.Stužynskaj.— Miensk: Adukacyja i vychavańnie, 2002. — 184 s.

Materyjały zbornika tyčacca małaviadomych staronak našaj minuŭščyny dy skiravanyja na adlustravańnie biełaruskich padziejaŭ u śviatle ahulnaeŭrapiejskaj historyi. Siarod uźniatych temaŭ — kanfesii ŭ Biełarusi ad časoŭ Vialikaha Kniastva da siońnia, uzajemaadnosiny Biełarusi j Litvy ŭ 1918—24 h., Biełaruś u peryjad tatalitaryzmu dy inšyja. Znajści zbornik možna ŭ «Akademknizie». Nakład abmiežavany.

Maračkin A. Aleś Mara: Aŭtamanahrafija. — Miensk, 2002.

Hety albom — aryhinalny litaraturna-mastacki prajekt, ci, pavodle aznačeńnia samoha aŭtara, «ART-raskop». Pobač z repradukcyjami tvoraŭ Alaksieja Maračkina tut źmiaščajucca jahonyja vieršy, dziońnikavyja zapisy, staryja j novyja siamiejnyja zdymki, materyjały z archivu mastaka. Albom vyznačajecca jakasnaj palihrafijaj. Nakład 290 asobnikaŭ. Pabačyć «Aŭtamanahrafiju» možna na knižnaj vystavie ŭ siadzibie TBM.

Pančanka P. Žytniovy zvon: Vybranaje / Układ. Z.Pančanki. — Miensk: Mastackaja litaratura, 2002. — 335 s.

U čarhovaj knizie z seryi «Biełaruskaja paezija XX st.» sabranyja tvory Pimiena Pančanki. U zbornik uvajšli vieršy z knih «Pry śviatle małanak», «Dzie načuje žavaranak», «Maŭklivaja malitva», «Kryk sojki», «Viačerni ciahnik», a taksama tvory vajennaha času. Cana — kala 5000 rub.

Płytkievič S. Biełaruskaja ekzotyka — Belarusian Exotics: Fotaalbom. — Miensk: Ryf tur, 2002. — 160 s.: ił.

Vydańnie dla tych, chto ŭmieje ździŭlacca j bačyć niezvyčajnaje ŭ štodzionnym. Aŭtar padarožničaŭ pa Biełarusi, naviedaŭ Biełavieskuju pušču, Brasłaŭski dy Naračanski nacyjanalnyja parki, Biarezinski zapaviednik, a taksama mnohija biełaruskija miastečki j vioski. Fatazdymki, sabranyja ŭ albomie, — aryhinalny mastacki pohlad na sučasnuju biełaruskuju rečaisnaść, u jakoj pieraplalisia blask i mizernaść. Vydańnie možna prydbać va ŭsich bujnych mienskich kniharniach. Cana — 22000 rub.

Statut Vialikaha kniastva Litoŭskaha 1588 h. / Pierakł. na suč. bieł. movu A.Šahun. — Miensk: Biełaruś, 2002. — 257 s.: ił.

Narešcie dziela taho, kab paznajomicca sa słavutym pomnikam nacyjanalnaj jurydyčnaj dumki ChVI st., nia treba rasšukvać faksymilnaje vydańnie dy vyvučać asablivaści staražytnabiełaruskaje movy. Nakładam 2000 asobnikaŭ, z raźlikam najpierš na čytača-niespecyjalista vyjšaŭ poŭny pierakład Statutu na sučasnuju biełaruskuju movu. Vydańnie dapoŭnienaje pradmovaju j adbitkami asobnych staronak z aryhinału 1588 h. U kniharni vydaviectva «Biełaruś» (pierachod st.m. «Płošča pieramohi») kniha kaštuje blizu 5000 rubloŭ.

Syrakomla U. Vandroŭki pa maich byłych vakolicach: Uspaminy, daśledavańni historyi, zvyčajaŭ. — Miensk: Mastackaja litaratura, 2002. — 205 s.: ił.

Asobnaju knihaju vyjšli natatki Ludvika Kandratoviča pra Miensk, Mir, Niaśviž, Stoŭpcy, Kojdanava. Hetaja kaštoŭnaja krajaznaŭčaja krynica pieranosić čytača ŭ Biełaruś siaredziny XIX st. Upieršyniu častka Syrakomlevych zapisaŭ drukavałasia pa-biełarusku ŭ 1993 h. u zborniku jahonych tvoraŭ «Dobryja vieści».

Citoŭ A. Miensk — horad majstroŭ: Ramiesnyja cechi ChVI—ChVIII st. — Miensk: Biełaruś, 2002. — 110 s.: ił.

Kniha aśviatlaje cikavuju j da siońnia maładaśledavanuju staronku historyi Miensku. U formie narysaŭ aŭtar raspaviadaje pra dziejnaść ramiesnych bractvaŭ-cechaŭ — tkačoŭ, kraŭcoŭ, šaŭcoŭ i h.d. Asobnyja raździeły pryśviečanyja historyi pieršych mienskich medyčnych ustanovaŭ.

Taciana Vabiščevič

Kamientary

Ciapier čytajuć

Čamu biełarusy mała kuplajuć knihi pa-biełarusku? Andrej Januškievič — pra tysiačy knih na składzie, pravał Kinha i pierśpiektyvy bijahrafii Paźniaka10

Čamu biełarusy mała kuplajuć knihi pa-biełarusku? Andrej Januškievič — pra tysiačy knih na składzie, pravał Kinha i pierśpiektyvy bijahrafii Paźniaka

Usie naviny →
Usie naviny

Rasija rekordnymi tempami pradaje zołata, a Polšča za apošnija hady kupiła jaho najbolš za ŭsich u Jeŭropie10

Zasnavalnik partała Realt.by pradaje dom za $3 miljony9

Jak vyhladaje elitny kłubny kvartał nulavych u Minsku2

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie27

U Minsku daterminova zakryli animalistyčnuju vystavu. Pryčyna moža być u asobnych mastakach1

GTA 6 za adzin dzień pabiła rekordy ŭsich časoŭ10

BATE apuściŭsia na pieradapošniaje miesca ŭ čempijanacie i moža ŭ nastupnuju subotu vylecieć z vyšejšaj lihi6

Źviazanyja z FSB chakiery pačali novuju sieryju atak na žurnalistaŭ i palitykaŭ pa ŭsim śviecie

«Na žal, mnohija ludzi navat nie viedajuć słova «bareljef». Jak biełaruska robić tvory mastactva z hipsu1

bolš čytanych navin
bolš łajkanych navin

Čamu biełarusy mała kuplajuć knihi pa-biełarusku? Andrej Januškievič — pra tysiačy knih na składzie, pravał Kinha i pierśpiektyvy bijahrafii Paźniaka10

Čamu biełarusy mała kuplajuć knihi pa-biełarusku? Andrej Januškievič — pra tysiačy knih na składzie, pravał Kinha i pierśpiektyvy bijahrafii Paźniaka

Hałoŭnaje
Usie naviny →

Zaŭvaha:

 

 

 

 

Zakryć Paviedamić