У выпадку ўступлення Фінляндыі і Швецыі ў НАТА Расіі прыйдзецца сур'ёзна ўзмацніць групоўку сухапутных сіл уздоўж межаў з Альянсам і істотна разгарнуць ваенна-марскія сілы ў Фінскім заліве.
Пра гэта напісаў у сваім тэлеграм-канале намеснік кіраўніка Рады бяспекі Расіі Дзмітрый Мядзведзеў.
Паводле яго слоў, для Расіі «ў цэлым не так ужо важна», колькі краін ў НАТА — 30 або 32, аднак ўступленне Фінляндыі і Швецыі ўдвая павялічыць працягласць сухапутных межаў з Альянсам і іх прыйдзецца сур'ёзна ўмацоўваць.
«Сур'ёзна ўзмацніць групоўку сухапутных сіл і СПА, разгарнуць істотныя ваенна-марскія сілы ў акваторыі Фінскага заліва. У такім выпадку ні пра які бяз'ядзерны статус Балтыкі гаворка ісці ўжо не зможа — баланс павінен быць адноўлены», — напісаў Мядзведзеў.
Пра імавернасць хуткага ўступлення ў НАТА заявілі на гэтым тыдні прэм'ер-міністры Фінляндыі і Швецыі Сана Марын і Магдалена Андэрсан. Яны паведамілі, што могуць падаць заяўкі адначасова.
Раней крыніцы ў НАТА заяўлялі, што рашэнне аб прыёме дзвюх скандынаўскіх краін можа быць прынятае цягам некалькіх тыдняў пасля падачы імі заяўкі.
Цяпер чытаюць
Лукашэнка: Абмяркоўваем з ЗША вызваленне палітвязняў17
Каментары