Сёння — каталіцкія Грамніцы і Дзень Сурка ў Амерыцы
Каталікі, у тым ліку і ў Беларусі, адзначаюць сёння Грамніцы (15-га — праваслаўныя). Дакладная царкоўная назва свята «Сустрэча Госпада нашага Ісуса Хрыста» — «Стрэчанне».
На Грамніцы ў цэрквах свецяць свечкі. Іх называюць грамнічнымі, колісь яны аберагалі хаты ад перуна.
Народная мудрасць кажа: «Грамніцы — палавіна зіміцы, маразоў палавіцы», ад сёння сонца павяртае на вясну.
Народныя каталіцкія прыкметы на сёння такія:
«Як на Грамніцы певень нап’ецца вадзіцы, дык на Юр’я наесца травіцы», «Як на Грымніцы адліга, з ураджаю будзе хвіга».
Гэтымі днямі ў Беларусі акурат адліга. Год таму, у 2012 г., на 2 лютага ў Беларусі стаялі маразы. У Мінску было мінус 27!
У ЗША і Канадзе сёння — Дзень сурка.Дзве нацыі зноў давяраюць прадказанне надвор’е чацвераногаму метэаролагу.
Лічыцца, што вясна будзе ранняй, калі сурок вылезе з нары і не спалохаецца свайго ценю, інакш вясны прыйдзецца чакаць яшчэ шэсць тыдняў.
Цяпер чытаюць
Пасля знікнення спікеркі Мельнікавай няма доступу да рахункаў Каардынацыйнай рады44
Каментары