Ён падазраецца ў «парушэнні правілаў дарожнага руху або эксплуатацыі транспартных сродкаў», паведаміла афіцыйны прадстаўнік абласнога ўпраўлення Следчага камітэта Марыя Крываногава.
Як паведамлялася, учора ў цэнтры Гомеля на вул. Савецкай адбылася аварыя аўтобуса №17. Падчас руху па маршруце ён раптам выехаў на тратуар, у выніку чаго пад коламі аўтобуса аказалася пешаход — 43-гадовая жанчына, якая загінула на месцы здарэння.
Таксама пацярпела пасажыр аўтобуса, якая атрымала пераломы пры выхадзе з салона пасля аварыі. 59-гадовая жанчына была шпіталізавана ў бальніцу хуткай медыцынскай дапамогі.
40-гадовага кіроўцу аўтобуса пасля аварыі дасталі з вадзіцельскага месца. Паводле папярэдняй інфармацыі, ён знаходзіўся ў несвядомым стане.
Мужчыну даставілі ў медустанову для медыцынскага агляду і ўстанаўлення магчымых захворванняў, якія маглі прывесці да рэзкага пагаршэння самаадчування.
Каментары