Сёння, 4 сакавіка, дэлегацыя ЗША высокага ўзроўню ўшанавала памяць загінулых герояў Нябеснай Сотні ў Кіеве.
Пасля абеду на барыкады, размешчаныя на вуліцы Інстытуцкай, прыйшлі кіраўнік Дзярждэпартамента ЗША Джон Кэры, пасол Злучаных Штатаў у Кіеве Джэфры Пает і намеснік дзяржсакратара Вікторыя Нуланд.
Яны прынеслі з сабой чырвоныя ружы і лампадкі. У суправаджэнні аховы, прэсы і кіраўнікоў вядучых рэлігійных канфесій Украіны, у прыватнасці патрыярха УПЦ КП Філарэта і кіраўніка УГКЦ Святаслава Шаўчука, амерыканскія палітыкі падышлі да помніка загінулым майданаўцам.
«Дзеці мае, браты мае! Прабачце мяне, што не ўратаваў вас ад кулі снайпера 20 лютага 2014. Слава Украіне!» — такі надпіс выгравіраваны на памятным камені, што ўласнаручна ўстанавіў безназоўны жыхар Кіева ля ўваходу ў станцыю метро «Хрышчацік» на вул. Інстытуцкая.
Кэры усклаў кветкі і некалькі разоў перахрысціўся. Нуланд перад тым, як зрабіць тое ж, пацалавала ружы і паставіла лампадку.
Пастаяўшы некалькі хвілін каля манумента і ўшанаваўшы хвілінай маўчання герояў Нябеснай Сотні, амерыканская дэлегацыя спусцілася яшчэ на некалькі метраў непасрэдна да барыкадаў і там пагутарыла з «майданаўцамі» і прэсай.
Нябеснай Сотняй Майдану называюць палеглых у сутычках за свабоду ў 2014 г. украінцаў. Так у ходзе сутычак да 18 лютага, у асноўным 22 студзеня, загінулі і памерлі ад ран сем чалавек, у тым ліку беларус Міхаіл Жызнеўскі і армянін Сяргей Нігаян (22 студзеня).
У ходзе супрацьстаяння 18—21 лютага загінулі і памерлі ад ран 68 абаронцаў Майдану, у асноўным узброеных лёгкімі шчытамі. У ходзе сутычак загінулі таксама 11 міліцыянераў.
Украінцы апладзіруюць Кэры, Нуланд і Паету
Як гінула Нябесная Сотня Майдану
Цяпер чытаюць
Медыйны прэс-сакратар МНС Віталь Дамбоўскі пайшоў у псіхолагі-сэксолагі3
Каментары