Гомельскі гарадскі аддзел упраўлення следчага камітэта па Гомельсай вобласці распачаў крымінальную справу за «заведама непраўдзівае паведамленне аб небяспецы» ў дачыненні да 63-гадовага пенсіянера.
9 сакавіка мужчына патэлефанаваў са свайго мабільнага ў службу 102, назваўся і паведаміў, што магазін па вуліцы Брэсцкай у Гомелі будзе ўзарваны, і папрасіў прыняць меры па ратаванні людзей.
Як паведаміла афіцыйны прадстаўнік УСК па Гомельскай вобласці Марыя Крываногава, міліцыя эвакуявала людзей з трох магазінаў і бліжэйшых дамоў, бо мужчына не назваў канкрэтны магазін, у якім нібыта закладзена выбуховая прылада. Група размініравання выбуховых прылад не знайшла.
Пасля ўстанаўлення асобы мужчына быў затрыманы і змешчаны ў ізалятар. Раней не судзімы пенсіянер знаходзіўся ў стане алкагольнага ап'янення і не змог растлумачыць свой учынак.
Следства ўстанаўлівае матывы тэлефанавання пенсіянера, дапытваюцца сведкі.
Цяпер чытаюць
«Вы прыйшлі сюды лохамі, а станеце драпежнікамі». Як працуюць мінскія кол-цэнтры скамераў5
Каментары