Пракурор Міжнароднага крымінальнага суда Фату Бенсуда пачала папярэдняе вывучэнне заявы Украіны аб злачынствах, здзейсненых папярэдняй уладай.
Пра гэта гаворыцца ў прэс-рэлізе Міжнароднага крымінальнага суда ў Гаазе.
Адзначаецца, што 17 красавіка 2014 г. урад Украіны падаў заяву ў адпаведнасці з артыкулам 12 (3) Рымскага статута аб прызнанні юрысдыкцыі Міжнароднага крымінальнага суда (МУС) адносна злачынстваў, учыненых, па сцвярджэннях, на тэрыторыі Украіны ў перыяд з 21 лістапада 2013 па 22 лютага 2014.
Як гаворыцца ў паведамленні, пасля атрымання заявы па прадстаўленні дзяржавы, у адпаведнасці з артыкулам 12 (3) Рымскага статута, офіс пракурора пачынае яго папярэдні разгляд згодна з пастаянным парадкам (на англійскай мове).
Такім чынам, пракурор МУС Бенсуда прыняла рашэнне пачаць папярэдняе вывучэнне сітуацыі ва Украіне з мэтай усталяваць адпаведнасць патрабаванням Рымскага статута для далейшага адкрыцця дасудовага расследавання. У адпаведнасці з артыкулам 53 (1) Рымскага статута, пракурор будзе разглядаць пытанні юрысдыкцыі, прымальнасці і інтарэсаў правасуддзя.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары