Адзін з лідараў баявікоў ЛНР Ігар Безлер («Бес») знік з Горлаўкі.
Пра гэта ў эфіры Hromadske TV паведаміў журналіст тэлеканала «Дождж» Цімур Олеўскі са спасылкай на інфармацыю ад закладнікаў, якія ўтрымліваюцца ў Горлаўцы.
«Ад аднаго з закладнікаў атрымаў інфармацыю, што Бес знік з Горлаўкі. Нейкім чынам з'ехаў, не ведаю, у якім кірунку ён з'ехаў. Кажуць нават, што ён ужо можа нават у Расіі», — адзначыў Олеўскі.
Новым камандзірам баевікоў стаў намеснік «Беса» — «Боцман».
Паводле Олеўскага, зараз ў Горлаўцы акрамя закладнікаў — грамадзян Украіны — ужо ёсць і грамадзянін Швецыі.
«Іх 17 чалавек. Увогуле, наколькі вядома, збіраліся абмяняць 50 вайскоўцаў на адну Вольгу Кулыгіну (саўдзельніцу Беса), якая знаходзіцца ў кіеўскім СІЗА», — адзначыў Олеўскі.
Паводле яго слоў, «Боцман» прыгразіў, што ў выпадку штурму Горлаўкі ён аддасць загад падарваць адзін з найбуйнейшых хімічных заводаў ва Украіне канцэрн «Стырол», які належыць алігарху Дз. Фірташу, і пачаць расстрэл закладнікаў ўжо сёння ўвечары.
На думку журналіста, такі сцэнар цалкам магчымы, паколькі прадпрыемствы маглі замініраваць загадзя.
Тым не менш, Олеўскі чуў пра тое, што тэрарыстам можа быць прадастаўлены калідор для адступлення з Горлаўкі.
Олеўскі таксама паведаміў, што авіяўдар ўкраінскіх войскаў не нанёс пашкоджанняў будынку міліцыі ў Горлаўцы.
На шчасце не нанёс, адзначае журналіст і заклікае ўкраінскіх сілавікоў прыняць да ведама, што 17 закладнікаў ўтрымліваюцца менавіта ў гэтым будынку — на паверх ніжэй пад кабінетам Безлера («Беса»).
Олеўскі таксама нагадаў, што сёння ў выніку авіяўдару загінула цывільнае насельніцтва — ад 20 да 30 загінулых.
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»9
Каментары