Прэзідэнт Расіі Уладзімір Пуцін заявіў, што накіроўвае ва Украіну «гуманітарны канвой». Пра гэта ён заявіў у тэлефоннай размове са старшынёй Еўракамісіі Жазэ Мануэлем Барозу, паведамляе прэс-служба Крамля.
Пуцін акцэнтаваў увагу «на катастрафічныя наступствы ваеннай аперацыі, праводзіць кіеўская ўлада ў паўднёва-ўсходніх рэгіёнах, і неабходнасці тэрміновай дастаўкі ў зону канфлікту гуманітарнай дапамогі».
«Адзначана, што расійскі бок ва ўзаемадзеянні з прадстаўнікамі Міжнароднага Камітэта Чырвонага Крыжа накіроўвае ў Украіну гуманітарны канвой», — гаворыцца ў заяве.
Раней Чырвоны Крыж адхрысціўся ад такой місіі. А Украіна выказала меркаванне, Расія спрабуе ўварвацца ў Украіну пад прыкрыццём гуманітарнай місіі.
ЗША і ЕС заявілі, што гуманітарную дапамогу Украіне павінны надаваць міжнародныя арганізацыі, а не Расея.
У сваю чаргу МЗС Украіны заклікаў Расею ўстрымацца ад любых спроб перадачы гуманітарных грузаў у Украіну без захавання неабходных умоў.
Як стала вядома, у гэтыя хвіліны адбываецца размова прэзідэнтаў Украіны і ЗША, Пятра Парашэнкі і Барака Абамы. Пра гэта паведаміў прэс-сакратар прэзідэнта Украіны Святаслаў Цэголка ў сваім твітары.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?8
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары