Расійскі акцёр Міхаіл Парэчанкаў распавёў, што кадры, на якіх ён страляе з кулямёта ў аэрапорце Данецка, былі пастановачнымі, а патроны халастымі.
У інтэрв'ю ТАСС ён выказаў здзіўленне тым, што «раздзімаюць так гэтую гісторыю».
Па словах Парэчанкава, у аэрапорце ідзе пастаянная стральба. Ён таксама патлумачыў, чаму на яго галаве апынулася каска з надпісам «Прэса». «Каску я надзеў проста дзеля маёй бяспекі. Іншай, акрамя як з гэтым надпісам, пад рукой не аказалася», — заўважыў ён.
Акцёр таксама пракаментаваў паведамленні аб тым, што ён нібыта цэліўся ў бок украінскіх сілавікоў. «Ні ў кога не страляў ні ў аэрапорце, ні яшчэ дзе б там ні было ў ходзе свайго знаходжання на тэрыторыі ДНР».
Між тым на фота ясна відаць, што патроны не халастыя, а бранябойна-запальныя. Учынак Парэчанкава выклікаў вялікае абурэнне ва Украіне, дзе ў выніку канфлікту загінула ўжо каля 4000 чалавек. Адзін з тэлеканалаў спыніў трансляцыю серыяла з яго ўдзелам. А міністр унутраных спраў заявіў, што па факце стральбы па ўкраінскіх вайскоўцах будзе распачатая крымінальная справа.
Апытанка
Цяпер чытаюць
Памілаваны беларускі палітвязень пайшоў на вайну супраць Украіны2
Памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары