Улада99

Алесін пра адстаўку Жадобіна: «Патрэбны чалавек з шырокім кругаглядам, каб думаў па-сучаснаму»

Сітуацыя ва Украіне прымусіць Аляксандра Лукашэнку перагледзець курс ваеннай палітыкі Беларусі і прызначыць на пасаду міністра абароны чалавека «з больш сучасным тыпам мыслення».

Такую думку выказаў ваенны эксперт Аляксандр Алесін, каментуючы адстаўку міністра абароны Беларусі Юрыя Жадобіна. 

На думку Алесіна, адстаўка 60-гадовага кіраўніка абароннага ведамства яўна сведчыць аб намеры Лукашэнкі «змяніць курс у ваенным будаўніцтве».

«Развіццё падзей ва Украіне паказвае, што армію трэба мадэрнізаваць, прычым, як паказвае час, адкладваць гэту працу нельга. Былы міністр абароны, вядома, быў спраўным служакам і сумленным салдатам, але ў гэтым плане ён ініцыятывы не праяўляў»,

— зазначыў эксперт. 

Паводле яго слоў, пры Жадобіне мела месца «стабільнае, умеранае развіццё ваеннай галіны» Беларусі. «Рэалізоўваліся планы, прынятыя яго папярэднікам Леанідам Мальцавым. Стала праводзіцца больш буйных вучэнняў — тыя ж стрэльбы на расійскім палігоне Ашулук. Словам, пры ім баявая вучоба ішла, і нават была дастаткова напружанай», — падкрэсліў Алесін.

Але ў цяперашняй сітуацыі, мяркуе ён, кіраўніку дзяржавы ад міністра абароны патрабуецца стратэгічнае бачанне і ацэнка сітуацыі ў рэгіёне, вызначэнне арыенціраў, па якіх будзе рухацца ваенная палітыка Беларусі, «будзе патрэбны чалавек з шырокім кругаглядам, каб думаў па-сучаснаму». 

На думку эксперта, новаму міністру абароны давядзецца выконваць задачы, якія Лукашэнка паставіў перад ваенна-прамысловым комплексам, а іменна: пераўзброіць армію ў паскораным тэмпе з выкарыстаннем тых нямногіх рэсурсаў, якія маюцца ў Беларусі. 

Самым верагодным кандыдатам на пасаду міністра абароны Алесіну бачыцца 49-гадовы начальнік Генеральнага штаба Узброеных сіл Беларусі генерал-маёр Алег Белаконеў.

«Улічваючы, што Белаконеў камандаваў сіламі спецыяльных аперацый, а зараз прэзідэнт аддае прыярытэт развіццю менавіта ССА, ёсць вялікая верагоднасць таго, што менавіта ён стане новым міністрам абароны», — прагназуе ваенны эксперт.

Каментары9

 
Націсканне кнопкі «Дадаць каментар» азначае згоду з рэкамендацыямі па абмеркаванні.

«На роздум далі паўгадзіны». Настаўніцы з Полацка давялося звольніцца з-за тыкток-блога2

«На роздум далі паўгадзіны». Настаўніцы з Полацка давялося звольніцца з-за тыкток-блога

Усе навіны →
Усе навіны

«Мне ўжо кепска». Беларус паказаў нашэсце кляшчоў у раёне1

Анархісту Мікіту Емяльянаву, асуджанаму на 6 гадоў калоніі, дадалі яшчэ адзін год

Парламент Арменіі ўхваліў законапраект аб пачатку працэсу далучэння краіны да ЕС2

Трамп: Расія марудзіць з мірным урэгуляваннем2

Аляксандр Лукашэнка-малодшы засвяціўся ў рыбным бізнэсе9

Шматпакутны гадзіннік Франака Вячоркі знайшоў уладальніка9

«Наганяе адчуванне смерці і безвыходнасці, хочацца найхутчэй пакінуць». Беларускі запісалі дзіўны дыялог турыста ў Белавежскай пушчы15

Загінула ваенная карэспандэнтка расійскага Першага канала Ганна Пракоф'ева23

Суд у ЗША ўвёў часовую забарону на спыненне фінансавання Радыё Свабода

больш чытаных навін
больш лайканых навін

«На роздум далі паўгадзіны». Настаўніцы з Полацка давялося звольніцца з-за тыкток-блога2

«На роздум далі паўгадзіны». Настаўніцы з Полацка давялося звольніцца з-за тыкток-блога

Галоўнае
Усе навіны →

Заўвага:

 

 

 

 

Закрыць Паведаміць