Эканоміка99

Частку льгот з ПВТ здымуць «дзеля мнагадзетных сямей»

Міністэрства фінансаў пацвердзіла існаванне законапраекта, што выклікаў незадаволенасць у Парка высокіх тэхналогій.

Фота: park.by

Праект Дэкрэта, што прадугледжвае павышэнне стаўкі падаходнага падатку для супрацоўнікаў Парка высокіх тэхналогій, насамрэч падрыхтаваны, пацвярджае Мінфін.

Фота праекту апублікавала 19 лютага газета «Камп’ютарныя весці».

Стаўку падаходнага падатку для супрацоўнікаў ПВТ насамрэч прапануецца падвысіць з 9% да 10%. Але выплаты ў Фонд сацыяльнай абароны насельніцтва павялічацца ў два разы, а не ў тры, як паведамлялася раней.

Павелічэнне падатку абумоўленае неабходнасцю забеспячэння рэалізацыі норм Указа, што прадугледжвае выплату з 1 студзеня 2015 года «сямейнага капіталу» шматдзетным сем'ям.

У сувязі з неабходнасцю фарміравання крыніцы фінансавання «сямейнага капіталу» з 1 студзеня 2015 года павялічаная агульная стаўка падаходнага падатку з 12 да 13 працэнтаў для ўсіх катэгорый фізічных асоб, нагадвае міністэрства. Павелічэнне падатку для ПВТ «забяспечвае сацыяльную справядлівасць у адносінах да большай часткі грамадзян» — розніца падатку супрацоўнікаў ПВТ і астатніх грамадзян застанецца роўнай 3%.

На думку міністэрства, павелічэнне падатку не акажа істотнага ўплыву на ўзровень зарплаты супрацоўнікаў ПВТ, паколькі сума падаходнага падатку, зыходзячы з памеру сярэдняй заработнай платы работнікаў ПВТ ва ўмовах 2014 года, для іх павялічыцца ў сярэднім на 184 тысяч рублёў альбо ў межах адной базавай велічыні.

Павелічэнне выплат у Фонд сацыяльнай абароны, як сцвярджае міністэрства, прадугледжваецца ў мэтах узмацнення сацыяльных гарантый гэтых работнікаў.

Тое робіцца шляхам павелічэння памераў выплат (пенсій, дапамог, у тым ліку па часовай непрацаздольнасці) са сродкаў дзяржаўнага сацыяльнага страхавання.

Льготны парадак для рэзідэнтаў ПВТ ўсё роўна захоўваецца, нагадвае міністэрства, бо у дачыненні да прыбыткаў астатніх катэгорый грамадзян верхняя мяжа сум выплат, што абкладаюцца абавязковымі страхавымі ўнёскамі, роўная пяціразовай велічыні сярэдняй зарплаты.

***

Навіну аб здыманні часткі льгот супрацоўнікі ПВТ успрынялі з знепакоенасцю.

Такі дакумент нашкодзіць дзяржаве, адзначае дырэктар «Белхард» Ігар Маманенка: кампаніі пачнуць закрываць убытковыя праекты, змяншаць зарплаты ці зноў стануць сыходзіць у цень.

Дырэктар адміністрацыі ПВТ Валерый Цапкала казаў, што «выклікае здзіўленне сама стратэгія Мінфіна, накіраваная на пераразмеркаванне некім заробленых сродкаў, а не на пошук новых шляхоў і крыніц прыбытку для краіны». Ён нагадаў, што нязменнасць спецыяльнага прававога рэжыму Парку высокіх тэхналогій гарантаваная Аляксандрам Лукашэнкам дэкрэтам да 2020 года.

Каментары9

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Усе навіны →
Усе навіны

Беларуска атрымала дазвол на пражыванне ў Польшчы пасля першапачатковай адмовы

8000 еўра Сяргею Ціханоўскаму сабралі за палову дня13

Хлопца з Рагачова прызналі неадэкватным і вызвалілі ад пакарання, але ўсё роўна ўнеслі ў спіс «экстрэмістаў». Як так?1

Кубракоў, вярнуўшыся з селектарнай нарады ў Лукашэнкі, зразу ж склікаў сваю — па той жа схеме17

Жыхары шматпавярховіка ў цэнтры Мінска страцілі сон праз спеў паўлінаў3

У Мінску дэмантавалі памятныя знакі ў гонар міліцыі. Яны не прастаялі і двух гадоў ФОТАФАКТ6

У Еўропе нараджальнасць на гістарычна найніжэйшым узроўні. І нават прасямейная палітыка не дапамагае5

Беларусам з 11-месячным дзіцём не далі паляцець на Кіпр па польскім праязным дакуменце. Дачапіліся да дзіцяці12

На матчы беларускіх футбалістаў у Грузіі заўзятараў прымушалі прыбіраць БЧБ-сцягі3

больш чытаных навін
больш лайканых навін

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Галоўнае
Усе навіны →

Заўвага:

 

 

 

 

Закрыць Паведаміць