У мінулым годзе самаму вядомаму гурту Украіны «Акіян Эльзы» споўнілася 20 гадоў. З гэтай нагоды музыкі зладзілі вялікі юбілейны тур па гарадах Украіны, Еўропы і Амерыкі. Не забыліся і на Беларусь — у лістападзе адгрымеў канцэрт у «Мінск-арэне».
У красавіку музыкі ОЕ зноў прыязджаюць у нашу краіну і запрашаюць усіх сваіх прыхільнікаў на серыю канцэртаў «Акіян Эльзы»: усе буде добре! », якія пройдуць у Гомелі, Віцебску, Гродне і Брэсце.
Юбілейны тур пройдзе ў найлепшых традыцыях музыкаў: яны выканаюць асаблівую, настальгічную праграму, у якую ўвойдуць усе галоўныя хіты групы. Са сцэны прагучаць знакамітыя «Без бою», «Вiще за неба», «Я так хачу», «Така, як ты», «Квiтка», «Усе буде добре».
Кажучы пра гэты юбілейнм туры, фронтмэн гурту Святаслаў Вакарчук адзначыў: «У гэтыя няпростыя часы нам вельмі важна быць разам. Мы хацелі, каб творчыя святы з нагоды 20-годдзя гурту сталі своеасаблівым вынікам не толькі для нас, але і для пакалення, якое вырасла за гэтыя два дзясяткі гадоў».
Каментары