mega.lt
Прадпрыемства літоўскага прадпрымальніка Арунаса Пукяліса набыло франшызу сеткі рэстаранаў хуткага харчавання Hesburger і на працягу некалькіх гадоў пабудуе ў Беларусі 30 рэстаранаў.
У развіццё сваіх закусачных ён на працягу шэрагу гадоў інвестуе 6—8 млн. еўра, паведамляе бізнэс-выданне Verslo žinios.
«У Беларусі ёсць шмат ніш, у якіх мог бы працаваць літовец. Мы бачым адзін адносна свабодны сегмент — сектар хуткага харчавання», — адзначае А.Пукяліс.
Першы рэстаран адкрыецца ў мінскім гандлёвым цэнтры Green City ў жніўні.
Дакладная дата будзе залежаць ад таго, калі завершыцца будаўніцтва гандлёвага цэнтра.
Іншыя памяшканні для закусачных Пукяліс мае намер будаваць сам, а памяшканні здымаць толькі ў прывабных месцах, дзе новае будаўніцтва немагчыма.
Каментары