Радыё Свабода: Намесьнік старшыні АГП Сяргей Альфэр паведаміў нашаму радыё:
(Альфэр: ) «У раёне вул. Чарняхоўскага знойдзена машына А.Лябедзькі, пераведзеная на штрафную стаянку. У ДАі Цэнтральнага раёну не адказваюць. Ніякіх зьвестак пакуль няма, хаця пошукі ішлі па ўсіх аддзелах міліцыі, шпіталях, але ўсюды адказваюць, што нічога ня ведаюць.
Будзем спадзявацца, што гэта было прэвэнтыўнае затрыманьне, і што ён жывы і здаровы. Але ж у нас ужо былі выпадкі, калі была знойдзена машына Завадзкага, але Завадзкага да сёньняшняга дня няма. Тое, што сталася зь Лябедзькам – абсалютная праява фашыстоўскага рэжыму, які ў нашай краіне ўсталяваўся. Быў час, калі міжнароднае грамадзтва рабіла ўсё магчымае, каб палітычных зьнікненьняў не было, але цяпер улады згубілі ўсялякае сумленьне».
22:05
Сяргей Альфэр паведаміў, што праз электронную пошту яны атрымалі паведамленьне. У ім гаворыцца, што а 14-й гадзіне Анатоля Лябедзьку затрымалі і адвезьлі ў КДБ, дзе яго апытвалі ў сувязі з рэпартажам, які ўчора прагучаў на БТ. Нагадаем, што ўчора на БТ былі агучаны тэлефонныя размовы, дзе супрацоўнікі МЗС Грузіі і Літвы абмяркоўвалі пляны забойства А.Мілінкевіча. Лябедзьку пасьля 18-й гадзіны нібыта адпусьцілі, але С.Альфэр лічыць, што яго, магчыма, усё яшчэ трымаюць у КДБ.
Каментары