Прэзідэнт Турцыі Рэджэп Таіп Эрдаган у пятніцу назваў смеху вартымі закіды расейскіх уладаў у тым, што Турцыя рыхтуе ўварванне ў Сірыю.
«Я знаходжу расійскую заяву смешнай … хутчэй, гэта Расія ў цяперашні час займаецца ўварваннем ў Сірыю», — цытуе Эрдагана дзяржаўнае агенцтва «Анатолія».
У чацвер афіцыйны прадстаўнік расійскага ведамства Ігар Канашэнкаў публічна выказаў здагадку, што Турцыя рыхтуе ўварванне.
«Мы маем сур'ёзныя падставы падазраваць інтэнсіўную падрыхтоўку Турцыі да вайсковага ўварвання на тэрыторыю суверэннай дзяржавы — Сірыйскай Арабскай Рэспублікі… Прыкмет схаванай падрыхтоўкі турэцкіх узброеных сіл да актыўных дзеянняў на тэрыторыі Сірыі мы фіксуем усё больш і больш», — сказаў Канашэнкаў.
Некалькімі днямі раней міністэрства абароны РФ абвінаваціла Турцыю ў абстрэле прымежных населеных пунктаў на тэрыторыі Сірыі і запатрабавала ад НАТА і Пентагона тлумачэнняў у сувязі з гэтым.
Каментары