У Маскве жанчыну затрымалі каля станцыі метро па падазрэнні ў забойстве дзіцяці, абезгалоўленае цела якога было выяўлена пасля пажару ў кватэры на паўночным захадзе горада. Пра гэта агенцтву «Масква» паведаміў афіцыйны прадстаўнік ГСУ СК па Маскве Юлія Іванова.
«У раёне метро «Кастрычніцкае Поле» па падазрэнні ў забойстве дзіцяці затрымана ягоная няня», — сказала Іванова.
Па дадзеных тэлеканала РЕН ТВ, жанчына ў хіджабе трымала адрэзаную галаву дзіцяці і пагражала падарваць сябе.
Пажар адбыўся раніцай у панядзелак, 29 лютага, у кватэры шматпавярховага дома на вуліцы Народнага Апалчэння. Пажарныя ліквідавалі ўзгаранне. Былі выратаваны чатыры чалавекі. Знойдзенаму на месцы абезгалоўленаму дзіцяці было каля 3—4 гадоў, паведамляе крыніца «Інтэрфакса».
Па папярэдніх дадзеных, дзіця было забіта, а кватэра падпалена. СК пачаў праверку.
Стала вядома імя падазраванай у забойстве дзіцяці жанчыны.
Пра гэта паведаміла крыніца ў праваахоўных органах.
У паведамленні гаворыцца, што ёй аказалася 38-гадовая Гюльчэхра Бабакулава, ураджэнка Самаркандскай вобласці Узбекістана.
Тым часам маму абезгалоўленага дзіцяці адвезлі ў бальніцу. Яна таксама грамадзянка адной з дзяржаў Сярэдняй Азіі.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары52
Каментары