Авіяцыя ВКС Расійскай Федэрацыі ў чарговы раз ужыла забароненыя міжнароднымі канвенцыямі фосфарныя бомбы ў сірыйскай правінцыі Ідліб.
Пра гэта паведамляе Anadolu.
Авіяцыя РФ нанесла ўдары з выкарыстаннем забароненых боепрыпасаў па раёне Тафтаназ, які знаходзіцца пад кантролем сіл апазіцыі, на паўночным усходзе Ідліб.
Таксама паведамляецца, што, паводле інфармацыі прадстаўнікоў мясцовых сіл грамадзянскай бяспекі, загінулі двое мірных жыхароў.
У раёне выбухаў пачаліся пажары, якія з цяжкасцю ўдалося патушыць.
Па словах сведак, спачатку былі нанесеныя ўдары касетнымі бомбамі, а потым былі ўжытыя запальныя боепрыпасы, зараджаныя белым фосфарам.
Нагадаем, у канцы мінулага года праваабарончая арганізацыя Human Rights Watch заявіла, што расійскія войскі і ўрадавыя сірыйскія войскі прэзідэнта Башара Асада выкарыстоўваюць супраць сіл паўстанцаў касетныя боепрыпасы, забароненыя міжнароднымі дамовамі.
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома11
Каментары