У сераду ў Бруселі невядомы параніў нажом двух паліцэйскіх. Праваахоўныя органы Бельгіі будуць расследаваць гэты інцыдэнт як магчымую тэрарыстычную атаку, паведаміла пракуратура краіны.
Тэлеканал VRT паведаміў, што адзін з афіцэраў быў паранены ў шыю, а другі — у жывот. Нападнік разбіў нос яшчэ аднаму паліцэйскаму, які прыехаў на месца здарэння.
Паліцэйскія паранілі нападніка ў нагу, пасля чаго яго забрала хуткая дапамога, паведамляе тэлеканал. Пракуроры не патлумачылі, чаму разглядаюць гэтую справу як магчымы тэракт.
Пры гэтым справа ўжо перададзеная з пракуратуры Бруселя ў цэнтральны апарат пракуратуры. Гэта звязана з тым, што менавіта пракуратура краіны звычайна расследуе справы, звязаныя з арганізаванай злачыннасцю або тэрарызмам.
Раней у сераду Паўночны вакзал Бруселя быў эвакуяваны з-за паведамлення пра бомбу. Пасля праверкі мясцовасці вакзал пачаў зноў працаваць.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары