Супрацоўнікі УБЭП УУС Мінскага аблвыканкама падазраюць старшыньку Ждановіцкага сельскага выканаўчага камітэта Мінскага раёна ў злоўжыванні ўладай і службовымі паўнамоцтвамі. Пра гэта паведаміў БелТА начальнік упраўлення па барацьбе з эканамічнымі злачынствамі УУС Мінскага аблвыканкама Уладзімір Емяльянаў.
«Фігурантка за грашовыя ўзнагароды па дамовах найму жылога памяшкання прыватнага жыллёвага фонду аказвала паслугі ў рэгістрацыі па месцы свайго пражывання грамадзян. Далей гэтыя грамадзяне атрымлівалі магчымасць станавіцца на ўлік для паляпшэння жыллёвых умоў, а значыць, будаваць кватэры з прыцягненнем ільготных крэдытаў або атрымліваць у карыстанне зямельныя ўчасткі па ільготных коштах без аплаты кадастравага кошту. Будаўніцтва кватэр, таксама як і прадастаўленне зямельных участкаў, ажыццяўлялася на тэрыторыі сельсавета», — адзначыў Уладзімір Емяльянаў.
Следствам ўстаноўлены чатыры чалавекі, якія пры небясплатным садзейнічанні старшыні сельскага выканкама незаконным чынам здолелі палепшыць свае жыллёвыя ўмовы. Разам з тым ёсць падставы меркаваць, што такіх людзей будзе значна больш.
Барацьбіты з эканамічнымі злачынствамі ў гэтым кірунку працягваюць праверачнай-аператыўныя мерапрыемствы. Пры гэтым часовыя рамкі незаконных дзеянняў разглядаюцца ў перыяд з 2006 па 2013 год. «Па папярэдніх дадзеных, шкода дзяржаве ў выглядзе розніцы кадастравага кошту зямельных участкаў эквівалентная больш за $30 тыс. Таксама вызначаюцца сумы грашовых узнагарод, якія выкарыстоўваліся пры аплаце незаконных паслуг», — дадалі ў УБЭП УУС Мінскага аблвыканкама.
Заведзена крымінальная справа па ч.3 арт.424 (злоўжыванне ўладай і службовымі паўнамоцтвамі) Крымінальнага кодэкса Беларусі. Крымінальная справа накіраваная для правядзення папярэдняга расследавання ва ўпраўленне Следчага камітэта Беларусі па Мінскай вобласці.
Папярэднік цяперашняй старшыні на пасадзе кіраўніка Ждановіцкага сельвыканкама таксама быў фігурантам карупцыйнага расследавання. Яго адхілілі ад пасады, але ў турме ўрэшце аказалася яго падначаленая, якая нібыта ставіла пячаткі без ведама шэфа. Тады гаворка ішла пра выдзяленне ўчасткаў без законных на тое падстаў.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары