Міністэрства антыманапольнага рэгулявання і гандлю растлумачыла парадак абазначэння цаны прадуктаў за кілаграм і літр, паведаміла БелТА прэс-сакратар МАРГ Аліна Гілевіч.
Па яе словах, у мэтах стварэння для спажыўцоў больш камфортных умоў для параўнання цэн на тавары непасрэдна ў месцах іх продажу, а таксама забеспячэння максімальнай абароны іх правоў МАРГ рэкамендуе з 1 студзеня 2017 года суб'ектам, якія ажыццяўляюць гандаль харчовымі прадуктамі, намінальная колькасць якіх не роўная значэнню 1 кг (л), у гандлёвых аб'ектах (за выключэннем ажыццяўлення гандлю ў кіёсках, пры разносным, развазным гандлі, праз гандлёвыя аўтаматы, на гандлёвых месцах на рынках, на кірмашах, аўкцыёнах) пры ўказанні на цэнніках, у рэкламе, каталогах, інфармацыі аб цане харчовых прадуктаў за адзінку тавару (за выключэннем адзінкавых харчовых прадуктаў, алкагольных, слабаалкагольных напояў, піва, тытунёвых вырабаў, а таксама тавараў у пэўным наборы (камплект тавараў)) пазначаць дадаткова цану тавару за 100 г (мл), 1 кг (л). Для прадуктаў, намінальная колькасць якіх не перавышае 250 г (мл) уключна, неабходна пазначаць цану адзінкі тавару за 100 г (мл); для астатніх — за 1 кг (л).
Для прадуктаў, якія знаходзяцца ў вадкім асяроддзі, пазначаецца цана адзінкі тавару для паказчыка «намінальная маса асноўнага прадукту ва ўпакоўцы без вадкасці», калі вытворцам на ўпакоўцы такі паказчык пазначаны.
Цана адзінкі тавару за 100 г (мл), 1 кг (л) вызначаецца простым разліковым метадам. «Напрыклад, цана 1 адзінкі ўпакоўкі малака аб'ёмам 0,8 л складае 1 руб. 10 кап. Разлік: 1 л x 1 руб. 10 кап.: 0,8 л = 1,375 руб., то бок, цана 1 л малака складзе 1 руб. 38 кап.», — растлумачылі ў МАРГ.
Што тычыцца афармлення цэннікаў, то цана тавару на цэнніку за 100 г (мл), 1 кг (л) размяшчаецца пад цаной тавару за адзінку з памерам шрыфта, меншым адносна цаны за адзінку тавару.
Пры прадастаўленні зніжак цана адзінкі тавару за 100 г (мл), 1 кг (л) разлічваецца, як правіла, да цаны са зніжкай і размяшчаецца пад цаной тавару за адзінку.
Афармленне інфармацыі аб цане пры продажы тавараў па ўзорах, у тым ліку на сайтах інтэрнэт-крам, а таксама ў рэкламных матэрыялах, падарункавых сертыфікатах, ажыццяўляецца ў парадку, прадугледжаным гэтым тлумачэннем.
Уступленне ў сілу названай нормы плануецца з 1 ліпеня 2017 года.
Хто тая беларуска, якую экстрадавалі ў ЗША для суда за кантрабанду дэталяў для самалётаў6
Каментары