Пастановай Савета Міністраў ад 8 снежня 2016 года нумар 1008 «Аб рэалізацыі задач сацыяльна-эканамічнага развіцця Рэспублікі Беларусь на 2017 год» зацверджаны паквартальныя значэнні ключавых паказчыкаў эфектыўнасці работы на 2017 год для ўрада і Нацыянальнага банка, кіраўнікоў рэспубліканскіх органаў дзяржаўнага кіравання, а таксама кіраўнікоў аблвыканкамаў і Мінскага гарвыканкама. Такая інфармацыя размешчана на Нацыянальным прававым інтэрнэт-партале, паведамляе БелТА.
У якасці ключавых паказчыкаў эфектыўнасці работы вызначаны для кіраўнікоў: дзяржорганаў - важнейшыя мэтавыя паказчыкі заказчыкаў дзяржаўных праграм на 2017 год; раённых, гарадскіх выканкамаў - экспарт тавараў і паслуг, прамыя замежныя інвестыцыі, колькасць працаўладкаваных грмадзян на наваствораныя рабочыя месцы за кошт стварэння новых вытворчасцей і прадпрыемстваў; арганізацый, маёмасць якіх знаходзіцца ва ўласнасці дзяржавы або ў статутных фондах якіх 50 і больш працэнтаў акцый належыць дзяржаве, - чысты прыбытак, рэнтабельнасць продажаў, зніжэнне ўзроўню затрат на вытворчасць і рэалізацыю прадукцыі, тэмпы росту экспарту тавараў, паслуг.
Для кіраўнікоў банкаў, у статутных фондах якіх 50 і больш працэнтаў акцый належыць дзяржаве, ключавымі паказчыкамі эфектыўнасці работы будуць чысты прыбытак, суадносіны аперацыйных расходаў і прыбытку ад асноўнай дзейнасці, рэнтабельнасць нарматыўнага капіталу; Банка развіцця Беларусі - аб'ёмы прадастаўлення грашовых сродкаў на інвестыцыйныя праекты, выдачы экспартных крэдытаў, прадастаўлення грашовых сродкаў на падтрымку суб'ектаў малога і сярэдняга прадпрымальніцтва; страхавых арганізацый, маёмасць якіх знаходзіцца ва ўласнасці дзяржавы або ў статутных фондах якіх 50 і больш працэнтаў акцый належыць дзяржаве, - рэнтабельнасць фінансава-гаспадарчай дзейнасці, суадносіны тэмпаў росту страхавых узносаў па ўсіх відах страхавання і тэмпаў росту расходаў на вядзенне справы, тэмпы росту страхавых узносаў па відах добраахвотнага страхавання.
Пры гэтым паказчыкі эфектыўнасці работы не могуць быць даведзены да арганізацый, не адзначаных у пастанове, і не могуць быць зменены адносна вышэйпералічаных кіраўнікоў (за выключэннем кіраўнікоў дзяржорганаў, раённых, гарадскіх выканкамаў).
Акрамя таго, дакументам вызначаны меры па дасягненні ключавых паказчыкаў. У прыватнасці, Міністэрству эканомікі даручана прадстаўляць ва ўрад аналітычную інфармацыю аб тэндэнцыях і праблемных пытаннях сацыяльна-эканамічнага развіцця рэспублікі і рэгіёнаў, а таксама праекты пастаноў Савета Міністраў аб крэдытаванні дзяржпраграм і мерапрыемстваў у 2017 годзе.
Згодна з пастановай, да 1 чэрвеня 2017 года павінен быць праведзены комплексны аналіз заканадаўства ў частцы выяўлення норм, якія абмяжоўваюць канкурэнцыю ў асобных відах і сферах дзейнасці на карысць арганізацый з удзелам дзяржавы, а да 1 снежня 2017 года трэба будзе ўнесці ў Савет Міністраў прапановы аб магчымай карэкціроўцы заканадаўства. Адпаведнае даручэнне дадзена Міністэрству антыманапольнага рэгулявання і гандлю, Міністэрству эканомікі, іншым рэспубліканскім органам дзяржкіравання, аблвыканкамам і Мінскаму гарвыканкаму.
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»4
Каментары