Падлетак з Слуцка атрымліваў доступ да чужых дадзеных з дапамогай гульні «Clash Royal», паведамляе ГУУС Мінгарвыканкама.
Заява ў міліцыю паступіла ад 36-гадовай жыхаркі Мінска. Жанчына паведаміла, што невядомы завалодаў доступам да акаўнта Google, які належыць яе непаўналетняму сыну. Акрамя таго, з яе мабільнага тэлефона і тэлефона мужа была выдаленая ўся інфармацыя.
Праваахоўнікі выявілі, што яе сыну прыходзіла паведамленне ад невядомага аб выйгрышы ў гульні Clash Royal, а каб атрымаць яго, дзіця павінна было даць свой лагін і пароль, што яно і зрабіла. Потым падлетак распавёў пра гэта бацькам. Яны пачалі правяраць свае мабільныя тэлефоны, бо тыя прывязаныя да акаўнта сына. Тэлефоны былі заблакаваныя і вярнуліся да заводскіх налад, інфармацыя на іх адсутнічала. Міліцыянты выявілі асобу, якая мела да гэтага дачыненне. Ёю аказаўся 15-гадовы ўраджэнец Слуцка, які навучаецца і жыве цяпер у Маладзечна. Праваахоўнікам хлопец растлумачыў, што з 2015 года гуляе ў гульню Clash Royal, вывучаў ўліковыя запісы іншых гульцоў і падманваў іх падобным спосабам.
Дачыненне хлопца да несанкцыянаванага доступу пацвердзіў і агляд яго камп'ютара. У дзеяннях падлетка ўгледжваецца склад злачынства, прадугледжаны арт. 349 (несанкцыянаваны доступ да камп'ютарнай інфармацыі), арт. 351 (камп'ютарны сабатаж), арт. 352 (неправамернае завалоданне камп'ютарнай інфармацыяй) КК. Аднак на момант здзяйснення супрацьпраўных дзеянняў ён не дасягнуў ўзросту, з якога наступае крымінальная адказнасць, таму да адміністрацыйнай адказнасці былі прыцягнутыя яго бацькі па арт. 9.4 КаАП (невыкананне абавязкаў па выхаванні дзяцей).
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ2
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары