Дзяўчына ў стане алкагольнага ап'янення пашкодзіла пяць машын у двары на вул. Русіянава ноччу 16 чэрвеня, паведамілі агенцтву «Мінск-Навіны» ў ДАІ Першамайскага раёна.
«ДТЗ здарылася ў 3:30 ў двары дома № 16 на вул. Русіянава. Дзяўчына 1993 года нараджэння села за руль «Фальксвагена Пасат», аформленага на іншага чалавека. З яе слоў, яна аб'язджала яму, спачатку ўдарыла прыпаркаваны справа «Дэу», затым працягнула рух і зачапіла «Нісан», які стаяў злева. Пасля ўрэзалася ў «Мазду» і «Фальксваген Пола». Спынілася толькі на газоне», — распавяла старшы інспектар па агітацыі і прапагандзе аддзела ДАІ Першамайскага РУУС Аксана Мяхедка.
Аказалася, што аўтааматарка ніколі не атрымлівала пасведчання кіроўцы. Мала таго, села за руль у стане алкагольнага ап'янення: медыцынскі агляд паказаў 1,37 праміле. Цяпер дзяўчыне пагражае буйны штраф. Акрамя таго, яна на працягу трох гадоў будзе пазбаўленая магчымасці атрымаць правы.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары