Самым эфэктыўным сродкам узьдзеяньня на Расею Март Хельме бачыць замарожваньне ў заходніх банках актываў кіраўнікоў Расеі і абвяшчэньне іх пэрсонамі нон‑грата.
Расея можа ў наступны раз выпрабаваць межы цярпеньня заходніх краін на Эстоніі, мяркуе былы пасол Эстоніі ў Расеі Март Хельме.
У інтэрвію радыёстанцыі Kuku Хельме сказаў, што Расея цягам гадоў была дзяржавай, якая спрабавала ўзнавіць свой уплыў, не баючыся ўжыць пры гэтым сілу.
Хельме кажа, што
Расея ў вайне з Грузіяй пераканалася, што многія арганізацыі абмяжоўваюцца выключна папярэджаньнямі і маральнымі выказваньнямі,цытуе словы дыплямата postimees.
Былы пасол зазначае, што Эстонію Расея можа прыціснуць энэргетыкай.
Хельме кажа, што ў выпадку канфлікту: «прамерзлая і галодная пятая калёна можа выйсьці на вуліцы, адбудуцца сутыкненьні, а расейскія войскі, што ўступяць у Нарву, Эстонія ня зможа іх выыкінуць».
Самым эфэктыўным сродкам узьдзеяньня на Расею Хельме бачыць замарожваньне ў заходніх банках актываў кіраўнікоў Расеі і абвяшчэньне іх пэрсонамі нон‑грата, рэзюмуе postimees.
Украінскія СМІ сяньня, камэнтуючы ўчорашняе прызнаньне Мядзьведзевым незалежнасьці Абазіі і Паўднёвай Асеціі, маюць свой погляд на наступную ахвяру Расею. Гэта Крым
А ў панядзелак Дзьмітры Мядзьведзеў на сустрэчы з прэзыдэнтам Малдовы Ўладзімерам Вароніным выказаў заклапочанасьць замарожанай сытуацыі з Прыднястроўем.
Сёньня пра магчымасьць уварваньня Расеі на тэрыторыю Украіны і Малдовы заявіў міністар замежных спраў Францыі Бэрнар Кушнер
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома11
Каментары