«УКантакце» кардынальна зменіць дызайн сваіх мабільных дадаткаў ШМАТ ФОТА
У афіцыйным блогу «Укантакце» з'явілася інфармацыя пра тое, што кампанія вырашыла цалкам пераасэнсаваць дызайн сваіх мабільных дадаткаў для прыладаў на iOS і Android.
Навігацыя
«Трэба спрасціць навігацыю ў дадатках, не ахвяруючы функцыянальнасцю, — напісана ў блогу. — Мы зрабілі гэта з дапамогай таббара у ніжняй частцы экрану. Сам па сабе таббар — ні разу не навінка. Зараз гэта стандартны падыход да навігацыі на Android і iOS. У нас ён калісьці таксама быў».
Прааналізаваўшы мноства розных статыстык, у кампаніі (без асаблівай, зрэшты, інтрыгі) выбралі чатыры асноўныя раздзелы: Навіны, Пошук і Рэкамендацыі, Паведамленні і Апавяшчэнні. У пятай укладцы — меню, дзе будзе ўсё астатняе.
Пошук і Рэкамендацыі
Рэкамендацыі — гэта абноўлены раздзел з вялікімі амбіцыямі. Цяпер ён не схаваны ў глыбіні навіннай стужкі, а вынесены на бачнае месца ў новай навігацыі. Тут прапануецца кантэнт таленавітых аўтараў з тэматыкамі, якія будуць цікавыя канкрэтнаму карыстальніку.
«З пункту гледжання дызайну задача стаяла нетрывіяльная. Трэба ўмець прыгожа адлюстроўваць розныя тыпы кантэнту і прыкруціць туды глабальны пошук па ўсіх раздзелах, ды так, каб адно другому не перашкаджала. Мы спыніліся на картках», — кажуць у кампаніі.
Стужку з картак зручна гартаць — звычайна ўжо па прэв'ю зразумела, хочаце вы прачытаць запіс цалкам ці не. Вам не давядзецца марнаваць час і доўга скроліць велізарныя пасты перш чым знойдзецца той, на якім вы хацелі б спыніцца. Пры націсканні на картку публікацыя адкрываецца цалкам, і пры жаданні можна далей гартаць стужку ў поўнапамерным рэжыме або вярнуцца да рэжыму прэв'ю.
Стужка навінаў і аўдыяплэер
У сакавіку ва «Укантакце» з'явіўся лічыльнік праглядаў побач з запісамі. У дадатках гэта таксама падтрымалі, але толькі на асобным экране з постам. У стужцы ж навін прагляды пакуль не адлюстроўваюцца, і гэта будзе выпраўлена з абнаўленнем дадатку.
Экран з бягучай кампазіцыяй зрабілі цэнтральным, прадугледзеўшы магчымасць свайпам пераходзіць да тэксту песні і да плэйліста. Дзякуючы гэтаму экраны не перагружаныя кантролерамі, а карыстальнік можа засяродзіцца менавіта на тым, што яму цяпер трэба. А асобны абразок спісу не дазволіць заблытацца ў экранах — вы заўсёды ведаеце, дзе шукаць плэйліст.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай12
Каментары