Дзяўчына знайшла спосаб вандраваць па свеце, хоць даўно не выходзіць з дому
Новазеландка Джэкі Кені жыве ў Лондане, але ўжо больш за год не выходзіць са сваёй кватэры, бо ў яе сур'ёзная форма агарафобіі — яна баіцца адкрытых прастораў. Цяпер дзяўчына падарожнічае толькі віртуальна — з дапамогай інструмента Google Street View — і выкладвае свае «трэвел-фатаграфіі» ў інстаграм, дзеліцца гісторыяй 34travel.me.
«Агарафобіі і трывожнае расстройства абмяжоўваюць маю магчымасць падарожнічаць, таму я знайшла іншы спосаб убачыць свет, — піша Джэкі. — Пстрыкаючы па гугл-картах, я апынаюся ў далёкіх краінах, накшталт Манголіі, Сенегала і Чылі. Там я знаходжу цяжкадаступныя гарады і пыльныя ландшафты, яркія архітэктурныя каштоўнасці і незнаёмых людзей, застылых у часе». Але нягледзячы на задавальненне і поспех такога спосабу вандравання, Джэкі ўсё ж спадзяецца, што яшчэ пабачыць гэтыя мясціны на свае вочы.
Пасля таго, як яе інстаграм-канал стаў вядомы як сярод агарафобаў, так і звычайных падарожнікаў (цяпер у дзяўчыны больш за 70 тысяч падпісчыкаў), Google дазволіў на працягу абмежаванага часу прадаваць серыю прынтаў абмежаваным накладам. Пры гэтым 10 фунтаў ад кожнага прынта накіроўваюцца ў Фонд даследаванняў мозгу і паводзін — глабальнай некамерцыйнай арганізацыі, якая займаецца вывучэннем, прадухіленне і лячэннем ментальных захворванняў. Работы можна замовіць на адмысловым сайце.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек1
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары