Саладуха пра сваю куртку з гербам Расіі: «Гэта ж наша брацкая краіна, нашы родныя браты»
Беларускі поп-кароль Аляксандр Саладуха сфатаграфаваўся ў Баранавічах у куртцы з расійскім гербам. І вельмі здзівіўся, што яму пасля гэтага ўвесь дзень тэлефануюць журналісты.
«Гэтая куртка — падарунак. Я выступаў у Маскве, мяне запрашаў багаты сябар на ўшанаванне зборнай Расіі па матаболе, якая выйграла залатыя медалі на чэмпіянаце Еўропы. Я там спяваў. І сябар падараваў мне гэтую куртку. Яна цёплая, класная, я яе нашу, — распавёў спявак. — Гэта не форменная спартовая куртка. Звычайная, «хатняя».
Пра тое, што вопратка з расійскай сімволікай можа ўспрымацца негатыўна, Аляксандр Саладуха ніколі не чуў.
«Чаму? Гэта ж наша брацкая краіна, гэта першае. Гэта ж нашы родныя браты, вы што. Другое: я там нарадзіўся, хоць я і беларус і мае бацькі беларусы. Украіна, можа, з імі і канфліктуе, я ведаю. А мы чаму павінны? — здзіўляецца Саладуха. — Мне сёння тэлефануюць, кажуць, што грыміць ужо ўся краіна на мой конт. Але ж што тут такога? Ну, падарылі куртку. Ну і што, што герб Расіі? Я мог бы набыць куртку ў любой краіне з любым гербам — Італіі, напрыклад, і насіць».
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек2
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары