Легендарны форвард зборнай Англіі Гары Лінэкер і расейская спартовая журналістка Марыя Камандная заўтра ўвечары правядуць лёсаванне Чэмпіянату Свету па футболе, які пройдзе ўлетку ў Расіі, паведамляе FIFA.com. Асіставаць ім будуць 8 зорак сусветнага футбола — паводле лічбы адборачных груп.
Што трэба ведаць пра лёсаванне і як будуць намагацца стварыць найболей роўныя па сіле склады васьмі груп з агульнай лічбы 32 каманд заўтра ў Крамлі а 18.00 мінскага часу?
Хто ў першым кошыку?
Згодна з зацверджанай працэдураю, сеянымі будуць сем наймацнейшых каманд рэйтынгу ФІФА плюс Расія як гаспадар турніра. Гэта Нямеччына, Бразілія, Партугалія, Аргентына, Бельгія, Польшча і Францыя. Наступныя тры кошыкі па восем каманд адпавядаюць далейшым месцам кастрычніцкага рэйтынгу ФІФА.
Як будзе праходзіць лёсаванне?
Браць шары з назвамі каманд унутры будуць па чарзе, пачынаючы з першага кошыка і скончваючы чацвертым. Пераходзіць да наступнага кошыка будуць толькі пасля таго, як па групах ад A да Н будуць размеркаваныя ўсе восем каманд з папярэдняга кошыка.
Спецыяльны статус Расіі — чаму?
На правах краіны-арганізатара, асабліва пазначаны шар з назвай зборнай Расіі будзе ўзяты першым, і яна аўтаматычна патрапіць першай камандай у групу А. Усе іншыя сеяныя каманды будуць выцягвацца ў лёсавым парадку і стануць першымі нумарамі ў групах ад B да H.
Чым будзе адрознівацца далейшае лёсаванне?
Яно — паводле арганізатараў — скіраванае на максімальную справядлівасць фармавання груп. За выняткам Еўропы, ад якой на чэмпіянат прайшло 14 каманд, у групе не можа быць больш, чым па адным прадстаўніку ад кантынентальнай канфедэрацыі. Толькі еўрапейскія каманды могуць патрапіць па дзве ў адну групу.
Таму спачатку асобна будзе лёсавацца шар з назваю каманды — а толькі пасля шар з назваю групы і парадкавым нумарам у ёй. Калі ліміт прадстаўніцтва кантынентальнай канфедэрацыі ў дадзенай групе ўжо вычарпаны, каманда пераносіцца ў наступную свабодную групу. Арганізатары абяцаюць, што ўсё будзе празрыста і чэсна.
Склады далейшых кошыкаў:
Другі: Іспанія, Перу, Швейцарыя, Англія, Калумбія, Мексіка, Уругвай, Харватыя.
Трэці: Данія, Ісландыя, Коста-Рыка, Швецыя, Туніс, Егіпет, Сенегал, Іран
Чацвёрты: Сербія, Нігерыя, Аўстралія, Японія, Марока, Панама, Рэспубліка Карэя, Саудаўская Аравія
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары