Следчым камітэтам працягваецца расследаванне крымінальнай справы аб захопе закладнікаў у аддзяленні банка ў Магілёве, затрыманаму выстаўлена абвінавачанне, паведамляе sk.gov.by.
На падставе сабраных матэрыялаў затрыманаму следствам выстаўлена абвінавачанне па ч.3 арт.207, п.п.6,7 ч.2 ст.291 Крымінальнага кодэкса.
Нагадаем, што 20 лістапада каля 14.40 28-гадовы мужчына ў масцы з прарэзамі для вачэй увайшоў у аддзяленне ААТ «АСБ Беларусбанк», якое размешчана ў Магілёве на вуліцы Каліноўскага і, пагражаючы работнікам і наведвальнікам банка забойствам, дэманструючы прадмет, падобны на пісталет сістэмы Макарава, запатрабаваў перадачы яму грошай і каштоўнасцяў. Пры гэтым ён захапіў у закладнікі 8 наведвальнікаў і 6 работнікаў банка.
Мужчына быў затрыманы ў выніку спецаперацыі, праведзенай супрацоўнікамі міліцыі. «У ходзе следства ўстаноўлена, што несудзімы ураджэнец Магадана1989 года нараджэння спрабаваў завалодаць грашовымі сродкамі банкаўскай установы ў асабліва буйным памеры, скраўшы пры гэтым Br9199, $118 і 2 тыс. расійскіх рублёў, пасля чаго паспрабаваў збегчы з месца злачынства», — праінфармавалі ў СК.
Прадмет, падобны на пісталет сістэмы Макарава, выкарыстаны пры нападзе на аддзяленне банка, накіраваны на балістычную экспертызу, правядзенне якой даручана УГКСЭ па Магілёўскай вобласці
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы49
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары