Ці адбудзецца дэвальвацыя рубля? Ці захаваюцца банкаўскія ўклады? Усё будзе залежаць ад таго, як доўга будзе трываць крызіс і наколькі сур’ёзна пацерпіць ад яго гаспадарка Расеі, кажа эканаміст з Інстытуту прадпрымальніцтва і мэнэджмэнту Зьміцер Крук.
Ці адбудзецца дэвальвацыя рубля? Ці захаваюцца банкаўскія ўклады?Магчымыя наступствы сусьветнага фінансавага крызісу для беларускай эканомікі аналізуе эканаміст Дасьледчыцкага цэнтру Інстытуту прадпрымальніцтва і мэнэджмэнту Зьміцер Крук.
«Скарачэньне золатавалютных запасаў Беларусі (ЗВЗ) у пэўнай ступені ёсьць праявай наступстваў сусьветнага фінансавага крызісу, аднак ня варта перабольшваць значэньне гэтай зьявы, бо памер ЗВЗ увесь час зьмяняецца», — мяркуе эканаміст Зьміцер Крук.
На яго думку,
усё будзе залежаць ад таго, як доўга будзе трываць крызіс і наколькі сур’ёзна пацерпіць ад яго эканоміка Расеі, зь якой мы маем надзвычай шчыльныя гандлёвыя сувязі. Важным фактарам ёсьць цэны на нафту — іх падзеньне адаб’ецца і на нашай эканоміцы.
Банкаўская сыстэма Беларусі напэўна не зазнае тых клопатаў, што займелі нашыя суседзі, бо ўзровень запазычваньняў у замежных банкаў досыць невысокі, а выхад на сусьветныя банкі дастаткова абмежаваны, што натуральна для краіны, эканоміка якой разьвіваецца.
Не пацерпяць, прынамсі, бліжэйшы год, і шараговыя ўкладчыкі, лічыць эканаміст: «У банках цудоўна разумеюць, што любыя прыкметы пагрозы могуць справакаваць масавы адток дэпазытаў, таму там зробяць усё магчымае, каб пазьбегнуць панікі».
У любым разе, падкрэсьліў З. Крук,
Беларусь мае дастаткова ізаляваную ад вонкавых уплываў фінансавую сыстэму, таму на нашую эканоміку сусьветны фінансавы крызыс акажа заўважны ўплыў толькі ў тым выпадку, калі будзе трываць больш за год.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай2
Каментары