Прэзідэнт Украіны Пятро Парашэнка прапануе Вярхоўнай Радзе спыніць дзеянне асобных палажэнняў дамовы аб дружбе з Расіяй, якая ўжо 4 гады ажыццяўляе ваенную агрэсію супраць Украіны, паведамляе Украінская праўда.
Пра гэта ён сказаў у рамках выступу на форуме бяспекі ў Кіеве 12 красавіка.
«Наступным крокам будзе ўнясенне мной у Вярхоўную Раду праекта закона аб неадкладным аднабаковым прыпыненні дзеяння асобных палажэнняў дагавора аб дружбе, супрацоўніцтве і партнёрстве з Расіяй у частцы, у якой дзеянне гэтага дагавора не сумяшчальна з нацыянальнымі інтарэсамі дзяржавы і рэалізацыяй нашага права на самаабарону», - сказаў Парашэнка.
Паводле яго слоў, такая магчымасць даецца краіне міжнародным заканадаўствам.
Гаворка ідзе ў прыватнасці аб артыкуле аб стратэгічным партнёрстве паміж Украінай і РФ або палажэнні аб двухбаковым супрацоўніцтве ў ваеннай вобласці.
Парашэнка разам з тым растлумачыў, што адмяняць гэтую дамову нельга.
«Бо важныя для Украіны палажэнні, у якіх бакі паважаюць тэрытарыяльную цэласнасць адзін аднаго, пацвярджаюць непарушнасць існуючых паміж імі межаў», - падкрэсліў ён.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары