Юлія Скрыпаль, дачка былога расійскага шпіёна Сяргея Скрыпаля, у сваім першым з'яўленні перад камерай пасля таго, як яна і яе бацька былі атручаны ў англійскім Солсберы, сказала, што ёй вельмі пашанцавала застацца ў жывых пасля замаху.
«Калі я апрытомнела пасля 20-дзённай комы, я даведалася, што мы абодва былі атручаны. Мне дагэтуль складана змірыцца з думкай, што на нас быў здзейснены падобны напад. Шакіруе сам факт выкарыстання нервова-паралітычнага рэчыва ў дадзенай сітуацыі», — распавяла яна ў інтэрв'ю Рэйтэр.
Па словах Юліі Скрыпаль, працэс выздараўлення быў вельмі павольным і балючым. «Не хачу дэталізаваць, скажу толькі, што лячэнне было інвазіўным і глыбока прыгнятальным. Я ўдзячная ўсім выдатным і добрым работнікам шпіталя ў Солсберы, месца, якое стала мне вельмі блізкім».
«Маё жыццё было перакулена з ног на галаву, і цяпер я спрабую змірыцца з неверагоднымі зменамі ў маім жыцці», — сказала Юлія.
«У доўгатэрміновай перспектыве я спадзяюся вярнуцца дадому, у маю краіну», — дадала яна.
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»1
Каментары