Урад Беларусі не разглядае пытанне аб далейшым павышэнні пенсійнага ўзросту, заявіў першы намеснік прэм’ер-міністра Беларусі Аляксандр Турчын, піша Радыё Свабода.
«У цяперашні час сітуацыя складваецца такім чынам, што з кожным годам колькасць людзей пенсійнага ўзросту на аднаго працоўнага павялічваецца. Разам з тым урад не разглядае пытанне павышэння пенсійнага ўзросту», — сказаў Турчын падчас рабочай паездкі ў Гомельскую вобласць.
«Што тычыцца ўзроўню пенсій, дык у гэтым годзе неаднаразова павышалі іх памеры. Плануем захоўваць сярэдні памер працоўных пенсій на ўзроўні 40% ад сярэдняй заработнай платы па краіне», — дадаў Турчын.
Ад 1 студзеня 2017 года прэзідэнцкім указам прадугледжана штогадовае паэтапнае павышэнне пенсійнага ўзросту з 60 да 63 гадоў у мужчын і з 55 да 58 гадоў — у жанчын. Таксама плянуецца паступовае павышэнне гранiчнага ўзросту знаходжання на вайсковай службе.
Цяпер чытаюць
Стала вядома пра смерць доўгажыхаркі Марыі Канановіч з Валожыншчыны, якой па пашпарце быў 121 год4
Каментары