Камісія пры Міністэрстве юстыцыі ацаніла страты ад акупацыі Эстоніі Савецкім Саюзам прыкладна ў 1,2 мільярда еўра.
Кіраўнік камісіі, гісторык Тоомас Хіё лічыць, што Эстонія не можа адмовіцца ад вывучэння страт і патрабаванняў кампенсацыі, таму што гэта будзе азначаць прызнанне добраахвотнага далучэння да СССР.
Ахвярамі сталінскіх рэпрэсій сталі 49 500 чалавек, 24 100 чалавек загінулі падчас Другой сусветнай вайны, 139 400 чалавек вымушаныя былі з'ехаць з Эстоніі. Эстонія страціла Пячэрскі раён і тэрыторыі за Нарвай. У справаздачы гаворыцца, што чалавечыя страты па сваёй прыродзе можна лічыць генацыдам.
У перыяд з 1948 па 1985 год Эстонія страціла мільён гектараў сельскагаспадарчых зямель.
У Эстонію завезлі шмат працоўнай сілы, і доля эстонцаў паменшылася з 89% у 1941 годзе да 61% у 1989 годзе.
У справаздачы таксама гаворыцца, што з-за акупацыі ўзровень жыцця ў Эстоніі значна ніжэйшы за ўзровень жыцця ў Фінляндыі, а сярэдняя працягласць жыцця на 3,5 года меншая.
Паводле міністра юстыцыі Урмаса Рэйнсалу, многія страты немагчыма вымераць грашыма, напрыклад, разбурэнне дзяржаўнасці, культуры, адукацыі, развіццё свабоднага грамадства.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары