Пра гэта дэпутатка Ганна Канапацкая распавяла ў праграме «НН» «Ток».
— Як шмат падхалімажу нейкага ў парламенце?
— З майго боку гэтага няма.
— З вашага — так. Але вось прыходзіць прэзідэнт у Авальную залу — дрыжаць? Як гэта адбываецца?
— Другое здзіўленне наконт прэзідэнта. У Авальнай зале дастаткова халодна. У нас першая сустрэча з прэзідэнтам у 2016 годзе была, калі ён збіраў 5-е і 6-е скліканні разам. Я вельмі тады замерзла, таму калі ён у красавіку прыйшоў з пасланнем, я падумала: не, я не хачу мерзнуць. У мяне ёсць тэрмакубак, я налью туды гарбаты і буду, калі мне будзе халаднавата, яе папіваць. Гэта быў такі шокавы стан ва ўсіх (смяецца)!
— «Як можна!»
— З кубкам!
— Да прэзідэнта!
— Ну а як? Я сябе паважаю, так. Мне не камфортна, таму я спрабую для сябе зрабіць камфорт, так?
— Інтрыга: вы змаглі пранесці гэты кубак?
— Так! Я прынесла гэты кубак, нават, па-мойму, Зміцер Лукашук яго сфатаграфаваў. Але страшна было глядзець на навакольных, калі я падносіла гэты кубак да рота. Я п’ю, я разумею, што сядзяць людзі, якія, мабыць, хацелі б зрабіць тое самае — ну?!
Глядзець выпуск цалкам:
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск77
Каментары