Усяго патроху

Святы Мікалай у каталікоў

6 сьнежня каталікі абодвух абрадаў ушаноўваюць памяць сьвятога Мікалая, біскупа Мірлікійскага. Гэта адзін з найбольш шанаваных хрысьціянскіх сьвятых, ікона якога ёсьць практычна ў кожнай царкве і ў многіх сем’ях.

Пра жыцьцё сьвятога Мікалая вядома няшмат. Знаем, што сьвяты Мікалай доўгія гады быў біскупам у Мірах, правінцыя Лікія, у Малой Азіі. Браў удзел у Першым Сусьветным Саборы (325 г.) у Нікеі. Памёр каля 345 года. Усё сваё жыцьцё прысьвяціў справе міласэрнасьці для душы і цела. Таямніца ягонага вялікага культу сярод хрысьціян у тым, што ён для ўсіх стаў сымбалем ахвярнай любві да бліжняга і спачувальнай міласэрнасьці. Пасьля сьмерці Бог праславіў яго выключным дарам рабленьня цудаў, і таму гэта сьвятога велічаюць Цудатворцам.

Культ сьвятога Мікалая пачынае пашырацца з хрысьціянскага Усходу з таго часу, як імператар Юстыніян І у сярэдзіне VI стагоддзя пабудаваў у ягоны гонар царкву ў Канстантынопалі. З ІХ стагоддзя сьвята сьвятога Мікалая ёсьць ужо ва ўсіх грэцкіх месяцасловах. Разам з хрысьціянскай верай культ сьвятога Мікалая прыйшоў і на беларускія землі. Сёньня ў каталікоў бізантыйскага абраду сьвяты Мікалай асабліва памінаецца ў малітвах ня толькі 6 сьнежня і 9 траўня (сьвята перанясеньня ягоных мошчаў ў італьянскі горад Бары), яму прысьвечаны таксама кожны чацьвер ва ўсходнім богаслужбовым цыкле.

У менскай грэка‑каталіцкай парафіі сьвятога Мікалая сьвяточная літургія пачнецца ў суботу а 17‑й гадзіне ў касьцёле Сьв. Яна Хрысьціцеля ў Серабранцы (вул. Пляханава). Разам з вернікамі гэтай парафіі будуць маліцца сьвятары і вернікі трох іншых менскіх парафіяў каталікоў усходняга абраду. А

ў нядзелю а 10-й гадзіне ў грэка‑каталіцкім душпастырскім цэнтры на Арджанікідзе, 6 (ст. мэтро «Аўтазаводзкая») будзе служыцца Боская літургія для дзяцей. Чакаецца, што пасьля яе заканчэньня дзетак наведае сам сьвяты Мікола з пачастункамі…

Каментары

Беларусцы па пашпарце 120 гадоў. Але ў кнігу Гінеса яе не запішуць — і вось чаму7

Беларусцы па пашпарце 120 гадоў. Але ў кнігу Гінеса яе не запішуць — і вось чаму

Усе навіны →
Усе навіны

«Луч» выпусціў новую калекцыю ў стылі слуцкіх паясоў1

«Ён на наступны тэрмін не будзе абірацца». Словы Лукашэнкі 26 студзеня аналізуе Мікола Бугай33

У Дэмакратычнай Рэспубліцы Конга паўстанцы захапілі буйны горад1

Спачатку грып, потым дэпрэсія? Вучоныя бачаць узаемасувязь

Стала вядома, хто тая грамадзянка ЗША, якую нядаўна вызваліў Лукашэнка5

Арына Сабаленка трапіла ў скандал з-за дзіўнага стаўлення да выйгранага трафея ВІДЭА16

Аднагадовая дзяўчынка загінула ў пажары ў Лунінецкім раёне2

Аргазм-медытацыю яна зрабіла сваёй справай жыцця. Цяпер яе будуць судзіць13

Людзі з сіндромам дэфіцыту ўвагі ў сярэднім жывуць менш — даследаванне

больш чытаных навін
больш лайканых навін

Беларусцы па пашпарце 120 гадоў. Але ў кнігу Гінеса яе не запішуць — і вось чаму7

Беларусцы па пашпарце 120 гадоў. Але ў кнігу Гінеса яе не запішуць — і вось чаму

Галоўнае
Усе навіны →

Заўвага:

 

 

 

 

Закрыць Паведаміць