Кіраўнік КНДР Кім Чэн Ын з 7 па 10 студзеня знаходзіцца ў Кітаі па запрашэнні старшыні КНР Сі Цзіньпіна, паведамляе агенцтва Xinhua са спасылкай на афіцыйнага прадстаўніка ЦК Камуністычнай партыі Кітая.
Мэты візіту і тэмы, якія плануюць абмеркаваць лідары дзвюх дзяржаў, ён не ўдакладніў. Раней паўднёвакарэйскае агенцтва Yonhap cо спасылкай на крыніцу паведамляла, што з КНДР у Кітай прыбыў цягнік, на якім магчыма знаходзіўся Кім Чэн Ын.
Выданне адзначыла, што на чыгуначнай станцыі ў прыгранічным з КНДР горадзе Даньдун былі ўзмоцненыя меры бяспекі, пры гэтым у гатэлях нельга было зняць нумары з відам на чыгунку.
Кім Чэн Ын наведваў КНР у сакавіку, маі і чэрвені мінулага года.
Цяпер чытаюць
Марата Маркава перасунулі з пасады міністра інфармацыі ў міністры культуры26
Каментары