У сацыяльных сетках і тэлеграм-каналах абмяркоўваецца ДТЗ, у якое трапіў намеснік дырэктара па ідэалогіі прадпрыемства «Палімір» Сяргей Брыкун.
Відавочцы паведамляюць, што ў ноч 11 студзеня КІА ідэолага здзейсніла наезд на бардзюр. Маўляў, сам Брыкун быў у стане алкагольнага ап’янення. Калі прыехалі супрацоўнікі ДАІ, то ён пачаў крычаць, што «корміць увесь горад».
Аўтамабіль ДАІшнікі адбуксіравалі ў штрафную стаянку. Праўда, з КІА адразу знялі нумары.
Нам атрымалася дазваніцца ў Наваполацк да Сяргея Брыкуна, вось што ён сказаў нам: «Усё гэта, што пішуць у інтэрнэце, паклёп!»
Сяргей Брыкун паведаміў «НН», што інцыдэнт сапраўды меў месца быць. «Мы вярталіся дадому, на маёй машыне, за рулём быў не я, а іншы чалавек. Машыну занесла, занесла на бардзюр. Чалавек пайшоў за ключамі, а я застаўся ў аўтамабілі».
Адносна таго, ці крычаў ён, што «корміць увесь горад», Брыкун адказаў: «Поўны паклёп. Ніколі ў жыцці сабе такога не дазваляў і не дазволю. Я гэтым пагарджаю. Гэта паклёп, на якім людзі завостраваюць увагу. Заказное ачарненне чалавек».
На пытанне, каму гэта можа быць выгадна, намеснік дырэктара «Паліміра» ўспомніў незалежны прафсаюз, які працуе на прадпрыемстве: «Ім бы хацелася, каб мы пытанні рашалі інакш з імі, а мы працуем толькі па заканадаўстве».
На самім прадпрыемстве нам сказалі, што ўсе чулі пра інцыдэнт. Праўда, ніхто не ведае, ці будзе ён мець нейкія настуствы. Пакуль Сяргей Брыкун працягвае хадзіць на працу.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы72
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары