Найбуйнейшы кніжны магазін Мінска — Дом кнігі «Светач» (пр. Пераможцаў, 11) — аднавіў працу 22 красавіка ў тэставым рэжыме, паведамляюць «Мінск-Навіны».
Прасторныя залы, новая і сучасная мэбля, шырокі выбар літаратуры, канцылярскіх тавараў, папяровай і сувенірнай прадукцыі — усё гэта гараджане і госці сталіцы могуць ацаніць ужо сёння.
Зараз «Светач» — светлая і прасторная прастора ў два паверхі. Да рэканструкцыі плошча магазіна складала 1 300 кв. м. Зараз — каля за 2 000 квадратаў. Раней у гэтым жа будынку знаходзіўся гандлёвы цэнтр. Ён вызваліў памяшканне, за кошт чаго і павялічылася плошча кнігарні.
Рамонтныя работы ў краме ўсё яшчэ працягваюцца. На першым паверсе цяпер збіраюць новыя стэлажы, а вось другі амаль гатовы.
— Яшчэ будуць устаноўлены канапы з падушкамі, пуфікі. Залы ўпрыгожым кветкамі. На другім паверсе запрацуе кафэ. Побач з ім — зона для прэзентацый, — распавяла загадчыца філіяла ААТ «Белкніга» «Дом Кнігі «Светач» Алена Бандарэнка. — Павесім вялікі манітор, які будзе інфармаваць нашых наведвальнікаў аб кніжных навінках.
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача17
Каментары