Паплечніка Януковіча, якога шукае СБУ, пусцілі на парламенцкія выбары ва Украіне
Былы дэпутат ад Партыі рэгіёнаў і экс-кіраўнік адміністрацыі былога прэзідэнта Украіны Віктара Януковіча Андрэй Клюеў, якога з 2014 года шукае Служба бяспекі Украіны (СБУ), быў зарэгістраваны Цэнтральнай выбарчай камісіяй як кандыдат у дэпутаты Вярхоўнай Рады, паведамляе «РБК-Україна».
Клюеў лічыцца як кандыдат ад Ліберальнай партыі Украіны па мажарытарнай акрузе ў горадзе Бахмут (былы Арцёмаўск), што знаходзіцца ў Данецкай вобласці непадалёк ад лініі размежавання. Рашэнне аб рэгістрацыі палітыка было прынята пасля таго, як Вярхоўны суд Украіны абавязаў ЦВК паўторна разгледзець яго дакументы. У камісіі адзначылі, што іншыя спосабы выканання рашэння суда, акрамя як рэгістрацыя Клюева, у яе адсутнічаюць.
Акрамя таго, Цэнтрвыбаркам прыняў рашэнне дапусціць да выбараў блогера Анатоля Шарыя, што займае першы нумар у спісе Партыі Шарыя, якому раней таксама было адмоўлена ў рэгістрацыі. Як і ў выпадку з Клюевым, рашэнне было прынята пасля адпаведнай пастановы Вярхоўнага суда.
Абодва палітыкі — Клюеў і Шарый — праследуюцца праваахоўнымі органамі Украіны.
Украінскі валанцёр Раман Сініцын заклікаў выходзіць на Майдан у 20.00 супраць рэгістрацыі кандыдатамі ў дэпутаты Анатоля Шарыя і Андрэя Клюева.
«Зарэгістравалі, хоць яны не жылі апошнія 5 гадоў ва Украіне і па законе наогул не мелі ніякіх шанцаў быць зарэгістраванымі. А ў гэты час з турмаў выпускаюць тэрарыстаў і забойцаў нябеснай сотні. Я гэтага цярпець не збіраюся», — напісаў Сініцын ў Facebook.
Каментары