Епархія пра новую царкву ў Салігорску: У Слуцку пяць храмаў, а ў Салігорску толькі адзін
Слуцкая епархія адказала «Нашай Ніве», чаму ў Салігорску вырашана ўзвесці новую царкву. Па звестках БПЦ, у горадзе на 106 тысяч чалавек існуе 5 праваслаўных рэлігійных грамад. Але толькі адзін храм дзее — кафедральны сабор. Астатнія — на стадыі будаўніцтва. У тым жа Маладзечне і Слуцку — па 5 дзейных цэркваў, у Вілейцы — 3.
«Паводле вынікаў пасяджэння Рады Беларускага саюза архітэктараў і Рады галоўных архітэктараў абласцей, гарадоў і раёнаў Беларусі, якое адбылося ў Салігорску 15 чэрвеня 2017 года, была вынесена рэкамендацыя звярнуць асаблівую ўвагу на мастацка-эстэтычнае ўспрыманне горада і, у прыватнасці, на будоўлю архітэктурных аб’ектаў, параўнальных па харастве і адметнасці з кафедральным саборам», — кажуць у епархіі.
Вылучыць зямельны ўчастак пад храм свяціцеля Мікалая Цудатворца прыход прасіў яшчэ чатыры гады таму. Подпісы пад зваротам у райвыканкам пакінулі 5 тысяч салігорцаў.
«Плануецца, што храм свяціцеля Мікалая Цудатворца будзе служыць месцам малітвы для жыхароў некалькіх новых мікрараёнаў Салігорска. Яго пабудова закрывае пытанне аб далейшым заснаванні праваслаўных прыходаў у межах горада, — адзначае Слуцкая епархія. — Дагэтуль у Салігорску няма помніка Перамогі ў Вялікай Айчыннай вайне. Узвядзенне храма заклікана запоўніць гэты прабел. На яго тэрыторыі будзе створаны мемарыял 75-годдзя Перамогі, у падмурак якога плануецца закласці капсулы з зямлёй са спаленых нацысцкімі акупантамі вёсак Салігоршчыны. Канцэпцыя храма прадугледжвае ўвекавечанне памяці народных герояў, сярод якіх — зажыва спалены карнікамі ў царкве святар Іаан Лойка з вёскі Хорастава, партызанскі камандзір Васіль Корж, браты Іван і Міхаіл Цубы».
У епархіі дадаюць, што праект будоўлі не прадугледжвае высякання дрэваў.
«Участак пад храм знаходзіцца на ўскрайку рэшткі ляснога масіву, якую некарэктна называць паркавай зонай».
Чытайце таксама: У парку на ўскрайку Салігорска збіраюцца будаваць храм. Гараджане супраць: і так шмат цэркваў!
-
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»
-
У продажы з’явілася пашыранае англамоўнае выданне кнігі Алеся Бяляцкага
-
«Хто праз вёску едзе — спыняецца, фатаграфуе». Беларуска расказала пра гісторыю векавога дрэва на сваёй сядзібе
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»9
Каментары