Бюро ўнутранай бяспекі затрымала былога кіраўніка Памежнай аховы Латвіі Нормунда Гарбарса, паведамляе Delfi са спасылкай на Leta.
Адзначаецца, што разам з Гарбарсам затрыманыя двое прадстаўнікоў фірмы, якая займаецца дарожным будаўніцтвам. Следства падазрае, што мелі месца злачынствы ў ходзе работ па ўзвядзенні інфраструктуры на прымежнай паласе з Расіяй і Беларуссю. Гаворка ідзе пра магчымае парушэнне тэхнічных патрабаванняў, самавольнай высечцы лесу і адмыванні грошай.
50-гадовы Гарбарс узначальваў Памежную ахову Латвіі з 2009 года. У 2016 годзе ўрад падоўжыў тэрмін яго паўнамоцтваў да 2021 года, аднак, дасягнуўшы ўзросту пенсіі па выслузе гадоў, ён у студзені 2019 года вырашыў падаць у адстаўку.
Раней тагачасны міністр унутраных спраў Рыхард Казлоўскіс адзначаў, што Гарбарс унёс вялікі ўклад у развіццё памежнай службы. Пад яго кіраўніцтвам былі паспяхова рэалізаваны меры па ўзмацненні аховы межаў, латвійскія памежнікі ўдзельнічалі ў многіх міжнародных аперацыях.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары