Прэм’ер‑міністр Латвіі Івар Годманіс 17—19 лютага наведае Беларусь з рабочым візітам. Пра гэта паведамляе прэс‑служба Міністэрства замежных спраў Беларусі.
У рамках візіту запланаваныя перамовы І.Годманіса з прэм’ер‑міністрам Беларусі Сяргеем Сідорскім, наведванне РУП «Мінскі аўтамабільны завод» і культурна‑спартыўнага комплексу «Мінск‑арэна».
Кіраўнікі ўрадаў дзвюх краін правядуць сустрэчу з прадстаўнікамі беларускіх і латвійскіх дзелавых колаў.
Нагадаем, прэм’ер‑міністры Беларусі і Латвіі ўжо сустракаліся 12 лістапада 2008 года ў час рабочага візіту Сяргея Сідорскага ў Рыгу.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі68
Каментары