«Шанцаў на перамогу няма». Бацька Канапацкай выказаўся аб вылучэнні дачкі ў прэзідэнты
Бацька Ганны Канапацкай бізнэсмен Анатоль Трухановіч лічыць, што вынік выбараў відавочны, і да рашэння дачкі вылучацца ў прэзідэнты ставіцца неадназначна, піша Tut.by.
Анатоль Трухановіч, які прыйшоў на прэс-канферэнцыю Ганны Канапацкай, дзе яна заявіла, што ідзе ў прэзідэнты, каб падтрымаць дачку, прызнаецца, што не чакаў ад яе такога смелага кроку — пайсці ў прэзідэнты пасля таго, як яе выключылі з гонкі на месца адзінага кандыдата ад апазіцыі.
— Скажу шчыра, мне сёння больш падабаецца пазіцыя Сяргея Калякіна, і ў гэтым выпадку, мне здаецца, народ бы зразумеў, гэта б віталася (Калякін назваў рашэнне правесці выбары 9 жніўня «безадказным і злачынным», яго партыя «Справядлівы свет» адмовілася ад удзелу ў выбарах).
Але я прыхільнік таго, што ў краіне трэба нешта мяняць, што павінны быць новыя людзі, новае мысленне. Я, як калісьці досыць паспяховы бізнэсмен, бачу гэта і разумею.
З нас ужо нават смяюцца, з нашай краіны, мы нейкія асаблівыя, з асаблівым шляхам у нікуды.
Але ўсякія імкненні ўдасканальвацца, дзейнічаць — гэта ў маім стылі, бяздзейнасць — гэта не тое. Хоць трэба разумна да ўсяго падыходзіць. Таму
я, вядома, бласлаўляю Ганну, але разумею, колькі ў нас людзей адсядзела, знікла… Але ў добры шлях, хай паспрабуе, — сказаў Трухановіч.
Шанцы дачкі на перамогу ў выбарах Трухановіч ацэньвае цвяроза — у сённяшняй сітуацыі іх няма.
— Пры цяперашняй сістэме, калі выбараў няма, калі памочнік прэзідэнта па бяспецы — гэта яго сын, калі няма дэмакратыі — якія могуць быць выбары?
Вынік будзе адзін. Хоць мы прыкладна ведаем патэнцыял і аб'ём электарату кожнага кандыдата, — сказаў Трухановіч.
Цяпер чытаюць
Гэты беларус даследуе рак — вось што ён кажа пра SPF ад меланомы, навуковы прагрэс і самы складаны ў лячэнні рак3
Каментары