Прыгавор за некалькі злачынстваў адразу 35-гадоваму жыхару Вілейшчыны абвясцілі сёння, 15 чэрвеня, паведамляе «Рэгіянальная газета».
У судзе разглядалі два эпізоды. Першы здарыўся 26 студзеня. Прайшло менш за месяц пасля таго, як мужчына вярнуўся з турмы. З суседам яны выпівалі, а потым фігурант пайшоў дамоў. Прыгадаў, што нядаўна сусед купіў мотаблок. Фігурант узяў лом, пашкодзіў дзвярную каробку і замок і трапіў у гараж. Адчапіў прычэп ад мотаблока, але не змог запусціць рухавік. А каціць мотаблок праз алкагольнае ап’яненне мужчына не змог. У выніку атрымалася толькі спроба здзейсніць крадзеж.
Другі эпізод здарыўся 28 лютага тут жа, на Вілейшчыне. Фігурант разам з пацярпелай і сваім знаёмым выпівалі. Знаёмы пайшоў спаць у іншы пакой. Па ўзаемнай згодзе фігурант з пацярпелай вырашылі ўступіць у палавую сувязь.
Падчас сэксу мужчына ўбачыў у кішэні джынсаў партнёркі пластыкавую картку і незаўважна яе забраў.
У гэты ж дзень з карткі пацярпелай ён патраціў 40 рублёў. На заўтра — яшчэ 31 рубель, 61 капейку.
На судзе мужчына прызнаў віну па ўсіх эпізодах, раскайваўся. Мужчыну асудзілі на паўтара года зняволення. Таксама ён будзе лячыцца ад алкагалізму.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары