З'явілася ПОЎНАЕ АЎДЫЯ сустрэчы Качанавай з прыхільнікамі апазіцыі ў Баранавічах
17 чэрвеня ў Баранавічах Наталля Качанава правяла нечаканую сустрэчу з сябрамі ініцыятыўных груп альтэрнатыўных прэтэндэнтаў у кандыдаты. На ёй прысутнічала каля 30 чалавек — гэта зборшчыкі подпісаў штабаў Бабарыкі, Цапкалы, Ціханоўскай, Дзмітрыева, апазіцыйныя актывісты.
Уражанні аднаго з удзельнікаў ад сустрэчы можаце прачытаць тут:
Новае спецзаданне Качанавай: сустракаецца з прыхільнікамі апазіцыі ў рэгіёнах і выслухоўвае іх
У інтэрнэце з'явіўся аўдыязапіс сустрэчы.
«Усё можна вырашаць і трэба вырашаць, але на ўсё патрэбная добрая воля людзей, якія б казалі праўду, але казалі праўду цывілізаваным спосабам. Мы хіба не цывілізаваныя людзі?» — такі пасыл прагучаў ад старшыні Савета Рэспублікі на сустрэчы.
Ва ўдзельнікаў сустрэчы засталося адчуванне, што для іх хацелі стварыць уражанне, нібы да іх прыслухоўваюцца — але толькі ўражанне. Іншае назіранне ўдзельнікаў — што ні на адно прынцыповае пытанне (празрысты падлік галасоў на выбарах, змена эканамічнай палітыкі, свабода слова, вызваленне палітзняволеных, роўнасць шанцаў для беларускай мовы) не было дадзена канкрэтнага адказу.
Цяпер чытаюць
Мінскія ўлады расказалі, як будуць змагацца з «акіянам аўтамабіляў» у дварах2
Каментары