«Ад нашай ініцыятывы заяву ў выбарчыя камісіі падалі больш за 2000 чалавек, амаль усім адмовілі»
Штаб Віктара Бабарыкі выступіў са зваротам наконт фарміравання выбарчых камісій.
«Ад ініцыятывы #сумленныя людзі заяву падалі больш за 2000 чалавек. Дзіўным чынам практычна ўсім гэтым людзям адмовілі — адмовілі неабгрунтавана і цынічна, ператварыўшы ў фарс працэдуру вылучэння і галасавання і пакінуўшы без увагі сабраныя дзясяткі тысяч подпісаў выбаршчыкаў з участкаў. Пры гэтым аказалася ўсё роўна, хто быў заяўнікам — кіраўнік прадпрыемства, унікальны спецыяліст, вядомы музыкант або студэнт Гарвардскага універсітэта», — гаворыцца ў паведамленні.
Паведамляецца, што памер складу камісій быў паніжаны да такога, каб туды трапілі толькі тыя людзі, якія павінны там быць.
У штабе лічаць, што можна казаць пра сапраўдную змову, таму што гэта «відавочна кожнаму, хто бачыў стрымы».
Штаб звяртаецца да ўсіх, хто нясе адказнасць за тое, што адбываецца.
«Зразумейце, 2020 год — асаблівы. Сітуацыя змянілася. Нельга парушаць выбарчыя правы грамадзян, таму што толькі сумленныя выбары з'яўляюцца аптымальным і мірным спосабам ліквідацыі бягучага напружання. Мы заклікаем і просім усіх — хай выбары будуць сумленнымі. Беларусы гэта заслужылі», — кажа штаб.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары